Kina reagerer på tyske skuldingar om spionasje

Måndag blei tre personar fengsla i Tyskland skulda for spionasje. Ifølge tyske styresmakter skal dei tre ha levert informasjon om maritim teknologi til Kina.

Torsdag blei Tysklands ambassadør til Kina kalla inn på teppet, og fredag kallar kinesisk UD skuldingane for grunnlause, melder AFP.

– Den såkalla kinesiske spionsaka er rein fabrikasjon. Kina har allereie protestert skarpt overfor tyske styresmakter, seier talspersonen Wang Wenbin.