NRK Meny

Frå ekstremtørke til overfløyming

Berre dagar etter at tørketragedien råkar Afrikas horn, er det no overfløyming i den somaliske byen Mogadishu.

Artikkelen er flere år gammel.

Den alvorlege sveltkatastrofen på Afrikas horn har tatt ei dramatisk vending. Eit ekstremregnvêr har no forverra problema for den kriseråka befolkninga.

Ifølgje All Headline News har 8 born mista livet det siste døgeret grunna regnvêret. Mange av flyktningane har ikkje skjul for regnet og kulda. Dette fører til at dei svakaste av dei kriseråka ikkje klarar å overleve påkjenningane det er å overnatte utan ly for regnet og nattekulden.

– To av sønene mine var blant dei som har mista livet i leiren i natt. Ein av dei var ein 3 månader gammal baby, og den andre var ein 2 år gamal gut, fortalde flyktningen Nur Maday.

Flyktningane i Mogadishu lev i svært dårlege forhold. Den humanitære hjelpen er førebels svært begrensa.

Det kraftige regnet varte over 24 timar i strekk, og har ført til stor innverknad på transport og infrastruktur i den krigsherja hovudstaden.

Video Overfløyming Somalia

Sørgeleg ironisk: Ekstremregnvêr er inga trøyst for tusenvis av kriseråka flykningar.

Laster innhold, vennligst vent..
Laster innhold, vennligst vent..

SISTE NYTT

Siste nytt