NRK Meny
Normal

Erklærer unntakstilstand i California

Dei verste skogbrannane i California på fleire tiår har teke sitt første menneskeliv. Fleire hundre heimar og bygningar er øydelagde og fleire tusen menneske evakuerte.

Fleire hundre heimar og bygningar er øydelagde og fleire tusen menneske er evakuerte på grunn av 13 ulike skogbrannar i California.

20.000 menneske er evakuerte og 400 heimar øydelagde som følgje av dei 13 skogbrannane i California.

Dei totalt 13 skogbrannane i California veks i omfang og blir no omtalt som dei verste i delstaten på fleire tiår.

Ein av brannane nærmar seg fleire byar nord for vindistriktet Napa Valley, og guvernøren i California, Jerry Brown, har erklært unntakstilstand i fylka Lake og Napa.

– Valley-brannen har svidd av mange tusen hektar land, ført til evakuering av innbyggjarar og gjort skade på vegar og annan infrastruktur, seier Brown om bakgrunnen for unntakstilstanden.

Nær 20.000 evakuerte

Levande bilete frå Middletown viser eit ruinert, svart landskap med utbrende køyretøy og omrisset av bygningar som det no berre er oskehaugar igjen av.

Evakueringssonen blir no utvida, på grunn av skiftande vindretning som gjer det utfordrande å få kontroll på flammane og oska.

Natt til måndag var totalt 19.300 menneske evakuerte som følgje av dei totalt 13 brannane som herjar i California, opplyser styresmaktene i delstaten.

400 heimar, to leilegheitskompleks og ti bedriftslokale er øydelagde av flammane.

Gå til forsiden

Enorme brannar i California

Slitne brannmenn tar seg en pust i bakken etter den enorme brannen i Middletown, California.

Enorme brannar i California

14 bilder

    Tjukk røyk set brannhelikopter ute av spel

    Tjukk røyk har den siste tida gjort det umogleg for brannhelikopter og vassbombefly å hjelpa til i sløkkjearbeidet. Fire brannmenn er sende til sjukehus med andregrads forbrenningar.

    Ein kombinasjon av langvarig tørke i vestlege delar av USA og hetebølgja førre veke har gjort vegetasjonen i området knusktørr og svært lettenneleg.

    Brannvesenet i California seier det er «uhøyrt omgang med open eld» som har fått brannane til å blussa opp.

    Unntaktstilstand i California på grunn av skogbrannar

    Dette huset i Seigler Springs er eit av mange som risikerer å gå tapt i skogbrannane i California.

    Foto: Josh Edelson / Afp
    Laster innhold, vennligst vent..
    Laster innhold, vennligst vent..

    SISTE NYTT

    Siste nytt