Tragedien skjedde i den mest belasta delen av Brooklyn, Brownsville. Kjelder i politiet seier at kulene var meinte for faren til guten. Det vesle barnet vart treft av tre eller fire kuler i ansiktet. Han vart teken raskt til sjukehus, men det var ikkje mogleg å berge livet hans.
Gina Gamboa (23) var like i nærleiken då skytinga starta.
– Eg høyrde tre eller fire skot. Eg såg ein mann med ei barnevogn som ropte: Babyen min er skoten. Mannen var fullstendig vill, seier Gina Gamboa til The New York Post.
Ingen er arrestert etter det brutale drapet.
Bydelen Brooklyn i New York har dei siste åra vorte svært populær blant mange unge og nyetablerte familiar. Brooklyn er ein god del billegare enn Manhattan, og det har gjort at mange har flytta over til den andre sida av East River. Desse har starta ein trend, og Brooklyn er no eit av dei mest populære bydelane i New York.
Dette gjeld likevel ikkje Brownsville-området. Dette strøket har den største tettleiken av kommunale husvære i heile i USA, og det har rykte på seg for å vere eitt av dei farlegaste nabolaga i New York.