Britiske fagforeiningar i harnisk

Det skal kuttast med hard hand i det britiske statsbudsjettet. Offentleg sektor skal slankast kraftig, og den britiske koalisjonsregjeringa har varsla nedskjæringar på opptil 40 prosent i dei fleste departement.

Illsinte fagforeiningar demonstrerte høglytt i London tysdag.

• LES OGSÅ: – Ingen vei utenom kutt
• LES OGSÅ: Cameron vil kutte 40 prosent

– Dette er berre starten på ein omfattande og langvarig kamp, seier kommunaltilsett Jayne Taylor, som kom frå Bristol i sørvest-England for å vera med på protesten.

– Ein halv million må gå

Den britiske koalisjonsregjeringa, forma av Dei Konservative og Liberaldemokratane, arva eit rekordhøgt budsjettunderskot på 154,7 milliardar pund då dei vann valet i mai i år. Dermed må sparekniven slipast.

• LES OGSÅ: – Økonomien er verre enn antatt

Statsminister David Cameron har tidlegare sagt at ein halv million offentleg tilsette må finne seg nye arbeidsplassar innan 2015. Samstundes har han lova at dei økonomiske innstrammingane ikkje skal råka dei svakaste gruppene i samfunnet.

Tysdagens demonstrasjon i London vil verta etterfulgd av demonstrasjonar rundt om i landet denne veka. Fagforeiningane har også varsla blokkadar.

• LES OGSÅ: Britisk krisebudsjett lagt fram

Generalsekretæren Dave Prentis i Unison, Storbritannias største fagforeining for offentleg

sektor, seier at foreiningane vil stå skulder til skulder for å forsvare offentlege tenester, lønningane og godene til statleg tilsette.

– Me dannar ein allianse for å forsvara arbeidsplassar og pensjonspengar og for å hindra kutt. Me skal kjempa imot, sa Prentis til ein fullpakka og applauderande Westminster Central Hall, ifølgje Reuters.

Kan bli streik

Fagforeiningane har sagt dei først vil forsøke å utøve politisk press ved å demonstrera, men er samde om å starta ein koordinert streik dersom regjeringa ikkje snur.

Onsdag legg finansminister George Osborne fram detaljerte planar om korleis dei varsla kutta skal gjennomførast.