Ingen bombe på Ryanair-fly

Siste: Tysk politi seier måndag at det ikkje var noko hald i trusselen mot et Ryanair-fly som naudlanda i Berlin i går. Det skriv nyhendebyrået AFP.

– Vi fekk eit tips på telefon og vi vart nøydd til å sjekka at det ikkje var nokon fare, seier politiet sin talsperson.

Politiet gav inga fleire opplysningar om flyet.

Flyet var på veg frå Dublin til Krakow og landa av ukjende årsaker i Berlin i 20-tida søndag kveld.

Ifølgje den tyske avisa Bild vart det retta ein bombetrussel mot flyet.

– Ryanair-flyet som naudlanda, rapporterte om ein naudssituasjon i lufta og fekk derfor umiddelbart landingsløyve i Berlin, sa talsmann for flyplassen, Jan-Peter Haack, til Bild.

Flyet vart omringa av fleire politibilar, og dei 160 passasjerane vart ført inn i terminalbygget.

Politiet og politihundar undersøkte deretter flyet og bagasjen, som vart samla utanfor flyet. Bagasjen vart seinare tatt med inn i terminalbygget.

Undersøkingane gjekk føre seg heile natta

Undersøkingane av flyet heldt fram inn i morgontimane måndag.

Klokka 3.46 blei det sette inn eit erstatningsfly slik at passasjerane kunne fortsette reisa til Polen.

Hendinga skjer ei veke etter at styresmaktene i Kviterussland omdirigerte er eit av Ryanairs passasjerfly, som vart tvinga til å lande i Minsk på grunn av ein bombetrussel. Like etter vart ein opposisjonell arrestert.

I juli i fjor måtte eit Ryanair fly frå Dublin til Krakow naudlande i London etter ein falsk bombe trussel, skriv AFP.