Gravferda gjekk føre seg i presidentpalasset i sentrum av hovudstaden Buenos Aires. Framfor palasset danna det seg ein kilometerlang kø av menneske som ønskte å ta farvel med den tidlegare presidenten, og visa støtte til kvinna som no leier landet.
Kirchner, som var president i Argentina frå 2003 til 2007, døydde av eit hjarteinfarkt onsdag, 60 år gamal.
Sørgjande president
Ifølgje den argentinske avisa Clarín, var togna absolutt då president Cristina Fernandez Kirchner gjekk sørgjande fram og la handa på kista til ektemannen.
Kledd i svart og med store mørke solbriller var ho tilstades saman med parets to
vaksne born, Maximo og Florencia.
Blant dei oppmøtte var også fotballegenda Diego Maradona og ei rekkje latinamerikanske leiarar: Evo Morales (Bolivia), Rafael Correa (Ecuador), José Mujica og Sebastián Piñera (Chile)
Saman med kona si var Nestor Kirchner den mektigaste politikaren i Argentina. Han skulle ha stilt som presidentkandidat ved valet i 2011.