NRK Meny
Normal

– «Såkalla førehandsstemmer» snudde resultatet

Opposisjonen hevdar dei var i tet i Burma-valet før «såkalla førehandsstemmer» snudde resultatet heilt.

Video Opposisjonen i Burma diskuterer valget

Opposisjonen i Burma diskuterer valet. Opposisjonsleiar Khim Maung Swe skuldar USDP for juks.

Opposisjonsleiar Khin Maung Swe

Opposisjonsleiar Khin Maung Swe heldt ein tale under opninga av eit partikontor 28. oktober.

Foto: Khin Maung Win / Ap
Valg i Burma

Opposisjonen hevdar dei fekk flest stemmer i valurnene, men at dei tapte på grunn av 'såkalla førehandsstemmer'.

Foto: STR / Afp
Burmas general Than Shwe

General Than Shwe oppretta USDP.

Foto: CHRISTOPHE ARCHAMBAULT / Afp

– Vi tok leiinga i starten, men USDP kom opp med «såkalla førehandsstemmer» og det snudde resultatet heilt, slik at vi tapte, seier leiaren for det største opposisjonspartiet NDF Khin Maung Swe til nyheitsbyrået Reuters.

– USDP stel stemmer

Han skuldar USDP for å bruke alle moglege metodar for å stele stemmer.

– Dei kjem til å vinne med 90 prosent oppslutnad om dei held fram å jukse på denne måten, seier han.

Andre opposisjonsleiarar har tidlegare sagt til BBC at dei hadde vunne målingane i vallokala, der den første teljinga vart gjort av forsegla stemmesetlar, men at dei tapte oppteljinga i Kommisjonen.

Dømmer valet nord og ned

Militærjuntaen USDP hevdar å ha vunne valet med rundt 80 prosent av stemmene .

Valet som vart halde søndag, vart det første på 20 år. Opposisjonen i landet, vestlege land og menneskerettsorganinisasjonar har dømt valet nord og ned.

Fredsprisvinnar og menneskerettsforkjempar Aung San Suu Kyi og partiet hennar boikotta valet og kallar valet ei farse.

USA-president Barack Obama har i dag gjenteke sine kommentarar om at valet i Burma verken er fritt eller rettferdig, skriv nyheitsbyrået Reuters.

Kvart fjerde sete i nasjonalforsamlinga var tildelt dei militære allereie før veljarane gav sine stemmer. Kandidatane til militærjuntaen hadde også store fordelar i valkampen.

20.000 flykta til Thailand

Sivile fra Burma flykter over ei elv

Sivilie i Burma flykta frå landet for å kome unna kampane i heimlandet.

Foto: CHAIWAT SUBPRASOM / Reuters

Kampar mellom regjeringsstyrkar og opprørarar har drive 20.000 menneske over grensa frå Burma til Thailand.

15.000 har søkt tilflukt i byen Mae Sot, opplyser guvernøren i provinsen Samard Loyfar. Mange skal allereie har returnert til Burma, opplyser lokale talsmenn i Thailand.

Ifølgje augevitne er så mange som 30 personar drepne i kampane i byen Myawaddy i Karen-staten, der den nasjonale frigjeringshæren KNLA har kjempa for uavhenge i 60 år.

Laster innhold, vennligst vent..
Laster innhold, vennligst vent..

SISTE NYTT

Siste nytt