Det mest dødelege angrepet var i den nordlege delen av byen. Åtte menneske vart drepne av ei bilbombe der. Minst 60 menneske er såra i angrepa.
Angrepa skjedde trass i at det i heile dag har vore stort tryggingsoppbod i gatene i Bagdad, nettopp for å hindre slilke angrep. Ein talsmann for regjeringa seier at sunnimuslimske ekstremistar står bak angrepa. Dei går til angrep på sivile i staden for tryggingsstyrkane fordi dei er enklare mål.
Kraftig auke i angrep
Det har vore ein kraftig auke i talet på bombeangrep i Irak den seinare tida. Angrepa har i stor gard vore retta mot sjiamuslimar, mange av dei pilegrimar.
I dag feira sjiamuslimane Shabaniya, som er markeringa av åremålsdagen for imam Mehdi, også kalla den 12. imam. Dette er ein svært sentral figur for sjiamuslimane.
I mai åleine vart over 1000 menneske drepne i ulike typar angrep i Irak, noko som gjorde mai til den mest blodige månaden i Irak sidan 2006-2007, då det også var alvorleg uro mellom sjia og sunnimuslimar i landet.
LES OGSÅ:
LES OGSÅ:
Al Qaida-grupper
Ingen har teke på seg skulda for angrepa, men sunnimuslimske ekstremistar knytte til Al Qaida-nettverket har tidlegare stått bak liknande angrep.
Spenninga i Irak er forsterka av borgarkrigen i nabolandet Syria. Dei syriske opprørarane som kjempar mot regimet i Damaskus, er for det meste sunniar. Bashar al-Assad og han støttespelarar tilhøyrer i stor grad alawittane, ei sekt knytt til sjiaislam.
LES OGSÅ:
LES OGSÅ:
