250 Al Shabab-soldatar hoppa av

– Dersom dei vel å gje opp kampen, skal me ikkje berre sende dei ut i ingenting. Me vil dele dei opp i grupper, ta vare på dei, og gje dei jobbar på fabrikkar, seier innanriksminister Abdisamed Mohamed Hassan.

Og no er fyrste store skup gjort for styresmaktene i landet. 250 soldatar tilknytt Al Shabab har gjeve opp kampen og lagt fram våpna sine. Innanriksministeren seier at dette er måten å gjere det på, og åtvarar mot å kjempe vidare.

– Dersom dei vert tekne til fange som soldatar i strid, så vil me gje dei vidare til justisdepartementet, og dei vil hamne rett i fengsel, seier han.

• LES ÒG: Al Shabaab truer med å likvidere flere somaliske politikere
• LES ÒG: Kan være vendepunkt for krigsherjede Somalia

Erklært krig mot politikarar

– Eg vil seie til det somaliske folk at alle må samlast i kampen mot denne fienden som har terrorisert, drepe og skada sivile.

Den fungerande statsministeren i Somalia nyttar sterke ord til nyheitsbyrået Reuters. Abdiweli Mohamed Ali er blant mange politikarar i landet som har vorte råka av terroren som Al Shabab har stått bak.

(Artikkelen held fram under biletet.)

I april i år slapp han så vidt unna eit åtak på i hovudstaden Mogadishu. Der skulle dei feire den statlege TV-stasjonen i landet. Ei kvinne tok seg heilt fram til scenen der han og fleire andre politikarar og byråkratar sat. Så sprengde ho seg sjølv i lufta. Alle politikarane slapp unna med eit naudskrik, men seks andre vart drepne.

• LES ÒG:
• LES ÒG: Somalias president angrepet av opprørere

Det tok berre 48 timar for den nyvalde presidenten å verte angripen. Heimen hans vart treft av to kraftige eksplosjonar. Sjølv slapp han unna, men fem menneske vart drepne.

Kampen mellom styresmaktene i Somalia og Al Shabab vil halde fram. Men den siste tidas politiske utvikling og Al Shabab-soldatar som gjev opp kampen, kan vere med på å gjere framtida litt lysare i det konfliktfylte landet. Etter drapet på eit parlamentsmedlem førre veke åtvara FN mot den ustabile situasjonen.

– Dette var eit demokratisk val, og dei folkevalde skulle ut på eit viktig oppdrag i landets historie. Den tragiske hendinga er ei påminning om dei stadige utfordringane me møter på i Somalia, sa Augustine Mathiga, FNs spesialutsending til Somalia.

(Reuters)