– Me har fått kontroll og brannen er sløkt.
Det seier vaktleiar i 110-sentralen Midt Noreg, Eivind Schjødt.
– Flammane stod ut frå vindauga, legg innsatsleiar i Trøndelag politidistrikt Håvard Lossius.
Leilegheita det brann i er totalskadd. I tillegg er to naboleilegheiter ikkje til å bu i.
Tre personar sendt til sjukehus
– Fleire har inhalert røyk.
Det seier operasjonsleiar i Trøndelag politidistrikt, Kirsten Bergstrøm.
To personar er sendt til sjukehus etter å ha inhalert røyk.
– Resterande som har blitt utsett for røyk har blitt sjekka av lege og ambulanse på staden, legg innsatsleiaren til.
I etterkant av brannen kollapsa ein person på gata utanfor blokka. Vedkommande blei sendt med ambulanse til St. Olavs hospital.
I tillegg blei ei kvinne berga ut frå vindauget frå naboleilegheita til der det brann.
Etasjen er ikkje til å bu i
– Femte etasje er ikkje til å bu i, seier operasjonsleiaren.
Naudetatane rykka ut til brann i toppetasjen på eit stort bustadbygg i Elgeseter gate i Trondheim søndag kveld.
– Me fekk melding klokka 18.30 om at det brann i toppetasjen i eit bustadkompleks.
Då brannvesenet kom til staden brann det kraftig frå ein leilegheit i femte etasje.
– Brannvesenet jobbar med å få fullstendig kontroll på den etasjen det har brunne i. Det er fem leilegheiter i den etasjen.
Bebuarane i resten av blokka fekk kome inn igjen søndag kveld.
Årsak til brannen er ikkje kjent.