Jente skadd etter valdshending ved City Syd i Trondheim
Ei jente under 18 er skadd etter ei valdshending ved kjøpesenteret City Syd i Trondheim.
– Vektaren fekk alarm på slåsting og det er utøvd vald mot ei jente.
Det seier operasjonsleiar i Trøndelag politidistrikt, Kirsten Bergstrøm.
Jenta skal vere bevisst, men det er usikker skadegrad. Ho blir varetatt av ambulanse på staden.
– Me fekk melding om fleire ungdommar på staden som har utført vald, men det er usikkert kor mange av dei som er involvert i valdshendinga, legg Bergstrøm til.
Begge partane politiet har fått namnet på er under 18 år.
– Me ser veldig alvorleg på dette og har sendt fleire patruljar til staden. Dei jobbar med å få oversikt over hendinga, seier operasjonsleiaren.
