Mannen blei funnen i Trondheimsfjorden ved Grilstad Marina på Ranheim.
– Det var ein som bur i området som varsla politiet, opplyser innsatsleiar Håkon Jørgensen til NRK.
Han fortel at vedkommande såg ein person i vatnet mellom båtane i småbåthamna på Grilstad Marina.
– Krimteknikarar er på staden og gjer undersøkingar, seier operasjonsleiar i Trøndelag politidistrikt, Ellen Maria Brende.
Ikkje mistanke om noko kriminelt
Politiet fekk melding om funnet kl. 09.10 måndag morgon. Klokka 10.30 opplyser Brende at personen er ein mann i 60-åra.
Den avdøde vil no bli obdusert. Politiet har ikkje mistanke om at det skal ha skjedd noko kriminelt, men vil halde fram med undersøkingar og etterforske saka.
RANHEIM: Politiet har ikkje mistanke om at det skal ha skjedd noko kriminelt med den avdøde.
Foto: Bent Lindsetmo / NRK– Vi kjenner identiteten til mannen, og held på med å varsle dei pårørande, seier operasjonsleiaren til NRK like før klokka 11.30.
Sjekkar videoovervaking på staden
Patruljar frå politiet var på staden og sjekka videoovervaking i området.
– Det er for tidleg å seie noko om kor lenge personen har lege i vatnet, seier Brende.
Vaktleiar ved brannvesenets 110-sentral, Frank Hansen, fortel at deira mannskap kom med båt og fekk frakta den avdøde til land.
GRILSTAD MARINA: Mannen er funnen død i Trondheimsfjorden.