Dei siste to vekene har det gått fleire skred som har sperra innfartsåra til Hammerfest. Brannsjef Arne Myrseth er uroa over beredskapen.
Han er ikkje nøgd med måten vegstyresmaktene og kommunen samarbeider på.
– Eg stiller jo spørsmål om vegstyresmaktene er oppmerksame på sitt ansvar, seier Myrseth.
Han viser til at omtrent ti bilar blei ståande fast i 17–18 timar sist måndag.
– Når sjåførane er avhengige av at gode samaritanar langs vegen forsyner dei med mat, drivstoff, varme og seng – så tenker eg at det er eit stort forbetringspotensial, held Myrseth fram.
Vil ha evaluering og dialog
– Kvifor er den så dårleg, trur du?
– Det veit eg ikkje, men eg kjem til å ta eit initiativ internt i kommunen for å evaluere og invitere til dialog med vegstyresmaktene, seier han.
– For dette må bli betre.
– Kva synest du kunne blitt gjort betre?
– Det førebyggande arbeidet er det viktigaste, oppsummer Myrseth.
Ordførar Terje Rogde har fremma liknande kritikk mot Statens vegvesen.
Takkar ja til dialog
Fagrupppeleiar Håvard Langmo ved Vegtrafikksentralen i nord kjenner seg ikkje igjen i kritikken. Han seier det var politiet som varsla Vegtrafikksentralen om denne hendinga.
– Normal prosedyre vil da vere at politiet også varslar andre naudetatar.
Langmo seier at også Vegtrafikksentralen ønsker dialog med Hammerfest kommune.
