Problem med motorane i dieselkraftverka på Svalbard har ført til at hovudkraftverket i Longyearbyen har blitt sett ut av spel. Sysselmeisteren på Svalbard bekreftar til Svalbardposten at han ved to høve har innkalla beredskapsrådet for å drøfte situasjonen.
– Formålet med møta har vore å skape ei felles situasjonsforståing og å legge til rette for best mogleg koordinering mellom aktørane, seier sysselmeister Lars Fause til avisa.
Fause har også rutinemessig har orientert krisestøtteeininga til regjeringa (KSE) om situasjonen. Dette er ei eining i Justisdepartementet som blir brukt ved ekstraordinære hendingar og kriser.
Svalbard Energi, som er energileverandøren i Longyearbyen, har nå leigd inn spesialistar frå Det Norske Veritas for å finne ut kvifor motorane stoppar. Selskapet jobbar også med å skaffe reservedelar til kraftanlegga.
