NRK Meny
Normal

Overvakar politiet på sjøen

KRAGERØ (NRK): Det har blitt populært å varsle om kor politibåtane langs kysten er til ei kvar tid i sosiale medium. Tusenvis av menneske overvakar politiets bevegelsar på sjøen. Politiet bekymrar seg over konsekvensane for slike varslingssystem.

Politibåt på Facebook

TOK 15 MINUTT: Det tok ikkje lang tid før politibåten vart observert og meldt inn på Facebook.

Foto: Stian Wåsjø Simonsen / NRK

Folk er flinke til å varsle kvarandre når det skjer noko, og det er klart at det byr på problem for arbeidet vårt, seier politioverbetjent i Kragerø, Terje Sandik.

Det er gjennom ulike grupper på blant anna Facebook, at folk varslar kvarandre om kor politibåtane er. I gruppa "Politibåt Varsling Kragerø" dukkar politibåten til Sandik ofte opp.

I dag har han stoppa ein båt for å ha køyrd for fort. Nøyaktig 15 minutt etterpå kjem det eit bilete av politibåten på varslingsgruppa med ein beskriving om kor politibåten er.

– Me må jo berre rose dei som driv med dette her, for det verkar jo som om opplegget fungerer godt, seier Sandik.

Terje Sandik

BEKYMRA: Politioverbetjent i Kragerø, Terje Sandik, likar ikkje utviklinga rundt den nye varslekulturen.

Foto: Stian Wasjø Simonsen / NRK

Skumle hensikter

Folk brukar ikkje gruppene berre til å varsle andre. På veggen til gruppa "Politibåt Varsling Kragerø" er det også fleire som ofte spør kor politibåten er akkurat no. Fleire av desse meldingane kjem ofte i dei seine nattetimane.

Niklas Adler Opsund

BRUKAR: Niklas Adler Opsund er ein av dei som følger med på Facebookgruppa.

Foto: Stian Wåsjø Simonsen / NRK

– Eg veit at mange brukar varslingssystemet for å køyre båt med promille utan å bli tatt, men det er ikkje difor eg brukar det, seier Niklas Adler Opsund. Han er ein hyppig brukar av Facebookgruppa.

– Det er ikkje bra at det skjer, seier Terje Sandik i politiet.

Legg du ut politibåten sin posisjon når du ser den på sjøen?

– Eg har ikkje gjort det enda, men så ser eg faktisk ikkje politibåten så ofte, seier Opsund.

Les også:

Skal ikkje føle seg for trygge

Sjølv om Facebookvarslinga fungerer godt, åtvarar Sandik dei som trur at ein kan gjere kva ein vil på sjøen utan risiko for å bli tatt.

– Det er klart at me har visse grep me kan gjere for å omgå slike varslingar.

Dei ulike Facebookgruppene som føljer politibåtanes bevegelsar har mange medlemmer. Varslingstjenester for politibåtane i Agder, Telemark og på Mjøsa har til saman over 10 000 medlemmer.

  • Powerhouse på vent

    Powerhouse-bygginga i Porsgrunn er utsett, skriv Varden. Bygginga av det elleve etasjar høge kontorbygget ved Frednesbrua skulle etter planen stå ferdig fyrste kvartal 2019. Nå blir det truleg forsinka med fleire månadar.

    Powerhouse i Porsgrunn
    Foto: R8
  • Dyrare søppel neste år

    Søppeldunken blir dyrare for nesten alle i Grenland frå nyttår. Den største auken kjem i Porsgrunn, skriv Varden. Anne Berit Steinseth i Grenland Renovasjon seier at det er kommunane som fastset prisane, og at dei vil variere frå år til år.

    Søppel, søppeldunker i Karasjok
    Foto: Dan Robert Larsen / NRK
  • Nytt akuttmottak på Notodden

    Sjukehuset på Notodden får eit nytt og betre akuttmottak. Frå midten av januar flyttar akuttmottaket til større lokale i fyrste etasje, noko som blir betre for både pasientar og tilsette, skriv sjukehuset i ei pressemelding.

    Sykehuset på Notodden
    Foto: Anne Lognvik / NRK
  • Ynskjer fleire søkarar frå Telemark

    46 eigarar av kulturminne i Telemark har søkt om nesten 11 millionar til saman frå Kulturminnefondet. Fondet har fått inn søknadar om 325 millionar kroner i heile landet. – Vi ynskjer oss fleire søkarar frå Telemark, seier direktør Simen Bjørgen.

    Simen Bjørgen
    Foto: Bjørn Erik Rygg Lunde / NRK