Kan få jordbærrobot
Matforskingsinstituttet Nofima utviklar ein robot som kan plukke jordbær. No i jordbærsesongen testar dei ut kor godt roboten fungerer.
Dei er spesielt interessert i om roboten kan skilje mellom forskjellig kvalitet på jordbær, ut over det visuelle.
– Vi har allereie gjennomført to store analysar av sukker og syreinnhald i totalt 200 jordbær, som alle vart vurdert som modne ut frå farge. No er vi i gang med dei første analysane av jordbær frå i år, fortel forskar Kjersti Aaby i Nofima i ei pressemelding.
Dei utviklar spektroskopiske program som skal hjelpe roboten å «sjå» bæra utan å plukke dei.