Austerriske Julian Eberhard tok sin første verdscupsiger, og stod for dagens store overrasking på 10 kilometer sprint i russiske Khanty Mansisk.
Bak Eberhard blei det dobbelt tysk med Simon Schempp og Arnd Peiffer.
Valgte feil ski
VM-bakrusen sette verkeleg inn for dei norske løparane under dagens sprint iKhanty Mansisk.
Den beste norske løparen blei Johannes Thingnes Bø på 7. plass. Han bomma berre ein gong, men hadde for dårleg fart i sporet
– Eg følte meg bra, og jobba alt eg kunne gjennom heile løypa. No hadde eg kanonbra ski i heile VM, men ikkje so bra her.
Han er klar for å klatre oppover på listene i morgondagens jaktstart.
– Eg gledar meg til jaktstarten. Det er ti sekundar mellom kvar mann opp til toppen, so det gjeld berre å ta mann etter mann.
Også storebror Tarjei Bø bomma på valet av ski i dag. Han enda på 35. pass, nesten to minutt bak vinnaren, med tre bom.
– Det var seigt. Det er rart å sei på ein slik dag, men eg hadde bra trøkk i kroppen. Men eg bomma nok på val av ski.
Han trur at forskjellen på snøen i Russland kontra mellom-Europa er grunnen til smørebommen.
– Det er alltid vore sånn her i Khanty Mansisk. Det er vanskeleg å treffe med smøringa. Eg trur det er fordi det alltid er kaldt og snøen er tørr og fin. Det møter me sjeldan andre stadar, sjølv om me har det i Noreg.
Favorittane svikta
Ole Einar Bjørndalen fekk det heller ikkje til i dag. To bom på standplass, og over to minutt bak totalt. Det resulterte i 41. plass.
Det var plassen bak VM-kongen Martin Fourcade. Han skaut fire bom, og enda på 40. plass. Thingnes Bø trur at det er snakk om ei utlading etter VM
– Eg trur at Fourcade er utlada. Han var på sin del med premieutdelingar under mesterskapet, for å sei det sånn.