– Eg trur aldri Norge har hatt større sjanse til å vinne ein lagkonkurranse i hopp, seier kommentator-veteranen. – Vår største konkurrent Austerrike er heilt borte for tida.
Dei norske hopparane
onsdag, der Anders Bardal vann og Rune Velta vart nummer tre. Dei tradisjonelle hovudutfordrarane frå Austerrike fekk det ikkje til.– Vi gler oss til rennet. Vi har gode sjansar til å kjempe i toppen, seier Stöckl til NRK.no. Han er i storhumør etter suksessen i Wisla.
– Sjanse til pallplass
Han er ikkje like sikker som Scheie på at hans lag er storfavoritt. Snarare tvert imot.
– Dersom gutane klarer å hoppe like godt som dei har gjort dei siste to vekene, har vi sjansen til ein pallplass, seier Stöckl beskjedent.
Stöckl – som sjølv er frå Austerrike – er ikkje heilt sikker på kvifor dei austerrikske hopparane har gjort det så svakt i dei siste renna. Bortsett frå Gregor Schlierenzauer som vann hoppveka, har dei austerrikske hopparane hamna langt nede på listene.
– Dei har hatt ein formsvikt og slit nok med sjølvtilliten etter hoppveka. Men dei vil kome sterkt tilbake. Schlierenzauer var sjuk på onsdag, men så vidt eg veit, er han tilbake allereie fredag.
Utfordring: Å bevare storformen til VM
Det er framleis over ein månad att til VM, som er det store målet for sesongen. Oppgåva er å halde på den fine formen.
– Det viktig å finne ut kor mange konkurransar kvar skal hoppe i veene som kjem. Dei må også ha god tid til rekreasjon og fysisk trening mellom konkurransane. Det er vår største utfordring no, seier landslagssjefen.
Det kan bety at ikkje alle dei beste kjem til å stille opp i alle renn den komande månaden.
– Skal de reise til Japan?
– Ja, det skal vi, men laget er ikkje teke ut. Det skal vi gjere etter hopprenna her i Zakopane, seier Stöckl.
Kvaliken avlyst
Han er ikkje uroleg for hopprenna i den polske skimetropolen, sjølv om kvalifiseringa torsdag bles bort. Det er varsla betre vêr frå fredag, med mindre vind, men kanskje litt snø.
– Torsdag var det for farleg å hoppe i vinden. Det var heilt rett å avlyse, seier han.
Jacobsen i toppform
Anders Jacobsen var ikkje heilt heldig i Wisla, men avviser at det er ein reaksjon etter utladinga i hoppveka. Der vart han berre slått av Schlierenzauer etter å ha vunne to av renna. Jacobsen er klar for å kjempe vidare om topplasseringane.
– Første hoppet mitt i Wisla var eit ok skihopp, men vinden øydela mykje. Det andre hoppet var ikkje noko sers. Men eg har på ingen måte fått nokon negativ reaksjon, eg er framleis i form, seier Jacobsen, som slår fast at han gleder seg til renna i helga.
– Eg kosar meg i bakken eg, og skulle gjerne hoppa kvar dag.
Om laghopprennet fredag meiner han Norge bør kjempe om sigeren.
– Vi er eitt av tre sterke lag som kan vinne, seier Jacobsen.