MR-undersøking: Andreas Stjernen er skadefri

Han håpar å kunne hoppe igjen i løpet av eit par dagar, og har dermed god sjanse til å rekke VM.

Stjernen, Tande

SER FRAM MOT VM: Både Andreas Stjernen og Daniel André Tande er optimistar med tanke på å bli tatt ut i troppen

Foto: Vidar Ruud / NTB scanpix

– Det kjennest mykje betre i dag, sa Stjernen til NRK på flyplassen i Lahti før heimreisa frå Finland.

Då skulle han til MR-undersøking heime i Trondheim, og trudde sjølv at han berre var forslått i fallet. Det viste seg å vere rett.

– MR-en viste at Andreas er skadefri, seier fysioterapeut Tom Lindinger til NRK.

Stjernen fall under treninga før lagkonkurransen laurdag.

Dagen før skadde Danile André Tande kneet på trening. Også han er optimist. Han skal til MR-undersøking tysdag.

– Eg er sikker på at eg er klar til VM, seier Tande.

Han var tilbake etter sju-åtte månader med skade og sjukdom. Så skadde han kneet, og no blir det kappløp med tida om å få plass i VM.

– Kjedeleg, seier Tande om situasjonen.

– Kneet er ikkje smertefritt nok til at eg kunne hoppa. Men det går framover, seier Tande.

– Er du uroa over VM-utsiktene?

– Nei, ikkje enno. Eg kjenner meg nokså sikker på at eg har ein plass på laget.

Mister truleg Willingen

Daniel Tande

VONDT KNE: Daniel André Tande trur på VM-deltaking, men han kunne likevel greidd seg utan kneskaden sin

Foto: Andreas Hagen / NRK

Komande helg er det verdscuprenn i Willingen. Det er eit ope spørsmål om dei to kan delta der, og om det får konsekvensar for VM-uttaket.

– Det hadde vore ein fordel å hoppe der, naturlegvis. Men eg meiner eg har levert så gode resultat i det siste at deltaking i Willingen ikkje bør vere avgjerande, seier Stjernen.

– Eg fryktar eigentleg ikkje for plassen, og trur nok eg er med i VM om eg blir frisk.

VM-vraking kan gi karriereslutt

– Om du ikkje kjem til VM, er det då fare for at du gir deg med hopping?

– Det kan hende. Men eg har ikkje tenkt på det før du spurde, sa Stjernen, som også var inne på tanken om å gi seg etter førre sesong.

– Sjansen er nok større for at eg legg opp etter denne sesongen enn etter fjorårssesongen, seier Stjernen.

Landslagssjef Alexander Stöckl skal ta ut 5 eller 6 hopparar til VM, som opnar i slutten av neste veke. Han er optimist på vegner av begge to, men avventar MR-undersøkinga.

– Er dei rimeleg sikre på VM likevel, dersom dei blir friske?

Stöckl nøler litt, så svarer han.

– Vi må sjå det litt an dag for dag. Det er lett å forhaste seg med spådommar og kommentarar, seier han.

Likevel går han langt i å gi Tande grønt lys.

– Daniel kan allereie no gå heilt vanleg, og han har vist god form og har høgt potensial. Det var på eit langt hopp han fall. Så om skaden ikkje er alvorleg, er det mest sannsynleg at han er med til VM.

Siste nytt

  • Spansk rett: Ingen sanksjonar

    Ein spansk rett har slått fast at UEFA , FIFA og La Liga ikkje har lov til å sanksjonere mot den kontroversielle superligaen, melder den spanske avisa El Pais.

    Det betyr at dei inntil vidare ikkje får lov å straffe klubbar og spelarar som er tilknytta superligaen, i alle fall etter spansk lov.

    UEFA har trua med å sparke ut dei 12 klubbane av meisterligaen så raskt som mogeleg. Fredag skal UEFA ha ekstraordinært styremøte, og den danske fotballpresidenten Jesper Møller, som også sit i UEFAs eksekutivkomité, sa i går at han reknar med at Real Mdrid, Manchester City og Chelsea blir kasta ut av semifinalene i årets meisterliga.

    Men retten vil også forby UEFA, FIFA og La Liga å "førebu, oppfordre til, eller adoptere disiplinære tiltak mot klubbar, spelarar eller andre som er involvert i den planlagde private ligaen".

    Men det er ikkje lov, seier retten i Madrid. Heller ikkje kan La Liga kaste dei ut av den spanskje ligaen. Tre spanske klubbar er med i superligaen.

    Fotballens superliga
    Foto: Dado Ruvic / Reuters
  • Bayern seier nei til superliga

    Bayern München skriv på sin nettstad at dei er uaktuelle for den omstridde superligaen.

    Klubben hadde saman med Borussia Dortmund tilbod om å vere med, men avslo. Ifølgje Der Spiegel har begge fått ein månads frist til å ombestemme seg. Men det vil ikkje skje, ifølgje Bayern.

    – Våre medlemmer og tilhengarar ønskjer ikkje superligaen, seier klubbpresident Herbert Hainer.

    – For Bayern er Champions League den beste klubbturneringa i verda.

    Bayern München vant mesterligafinalen mot Paris Saint-Germain.
    Foto: Matthew Childs / Reuters
  • UEFA: - Vi er europeisk fotball

    UEFA med sine 55 medlemsforbund fordømmer i ein resolusjon planen om den europeiske superligaen.

    – Vi er europeisk fotball. Dei er det ikkje, skriv UEFA om dei 12 som dei kallar konspirasjonsklubbane.

    – UEFA-kongressen er klar over at ein lukka superliga strir mot alle konsept om kva det betyr å vere europeisk: Samla, open, støttande og prinisppfast i spørsmål om idrettslege verdiar, står det i resolusjonen frå UEFA-kongressen.

    – Det er ei fornærming mot europeiske verdiar når dei går ut frå at dei meiner at dei står utanfor og kan gjere krav på det alle har bygt saman, skriv UEFA

    UEFA-kongress april 2021
    Foto: Handout / AFP

Sendeplan

Kl. Program Kanal