Tyske Tony Martin tok attende tempotrona då han knuste konkurrentane i onsdagens VM-tempo i Doha.
Besten nordmann blei til slutt Vegard Stake Laengen, som endte på 23. plass i den brennande varmen i Qatar.
Og det var varmen som gjorde at vår største forhåndshåp, Edvald Boasson Hagen, kollapset helt.
– Ikke hans element
Men Boasson Hagen opna løpet bra. Utover i konkurransen blei det derimot klart at han ikkje greide å hamle opp med det beste.
– Det var tøft, det var Ikkje uventa. Men det blei i overkant tøft, seier Boasson Hagen til NRK etter rittet.
Han seier at det rett og slett ikkje var hans beste dag på sykkelsetet.
– Eg er sliten. Det skulle vore meir medvind, men eg skal ikkje skulde på det. Eg hadde ikkje den beste dagen. Det fungerte ikkje som det skulle.
Heller ikkje landslagssjef Stig Kristiansen likte det han såg av Boasson Hagen i dag.
– Varme er ikkje hans rette element. Det ville seg ikkje i dag heller.
Sykla med kjølevest
Men det står ikkje forberedelsane for Edvald Boasson Hagen. Før rittet har han brukt varmerom for å gjere seg klar, og i dagens ritt brukte han kjølevest for å halde temperaturen nede. Etter den skuffande plasseringa er han likevel usikker på om det hjalp.
– Det er vanskeleg å seie. Men det var i alle fall eit forsøk.
Landslagssjef Kristiansen meiner han har ein naturleg forklaring på at nordmannen ikkje får det til i varmen.
– Me er nordmenn. Me er født lenger nord for Ekvator enn her. Me har ein fordel i kaldvêr, men på den andre sida so opplev me ikkje det varme og tørre vêret dei har her so ofte.
Ikkje bekymra for neste ritt
På søndag går fellesstarten av stabelen i Qatar, og der er Alexander Kristoff Norges beste kort. Landslagssjefen trur ikkje at dagens ritt tilseier at Boasson Hagen ikkje kan yte god hjelp for Kristoff.
– Nei
– Fordi?
– Han har aldri vore noko stort usikkerheitsmoment der. Det er ingen ny informasjon her. På søndag er det nye kort i kortstokken, og ein heilt anna konkurransesituasjon.
Også Boasson Hagen er svak optimist før rittet søndag, sjølv om han kom 3 minuttar og 50 sekund bak Tony Martin på dagens tempo.
– Forhåpentlegvis blir det betre. Det er jo også meldt kaldare vêr.
– Eg svima ikkje av
Dagens beste nordmann, Vegar Stake Laengen er nøgd med at han kom i mål utan å svime av.
– Det var skikkelig hardt, slik som forventa. Eg har ikkje svima av, so er nøgd.
Han klarte å halde meir jamn fart enn Boasson Hagen gjennom VM-løypa, men merka godt at han hadde vore ute og sykla i varmen då han prata med NRKs reporter.
– Eg merkar eg er litt svimmel, det er vanskeleg å halde tunga rett i munnen.
Laengen enda til slutt 2.44 bak vinnaren Tony Martin.