Utøvarane legg press på Wada – tårevått møte i Det kvite hus

– Då eg var på toppen av karrieren min kjempa eg mot dopa konkurrentar, sa ei tårevåt Alysia Johnson Montaño (32) under antidoping-toppmøtet i Det kvite hus i Washington i går.

Alysia Johnson Montaño i duell med Marija Savinova under VM i friidrett i Daegu i 2011

FORTVILA: Alysia Johnson opplevde fleire gongar å bli slått av seinare dopingdømde Marija Savinova, blant anna under VM i Daegu 2011.

Foto: Anja Niedringhaus / Ap

Den amerikanske 800 meter-løparen blei blant anna slått i OL i 2012 av russiske Marija Savinova, som seinare blei dømd for doping. Ho var ein av ei gruppe utøvarar som var til stades for å fortelje om sine erfaringar, og tok til tårene då ho snakka frå scena.

– Eg vil ikkje at tida skal renne ut for fleire utøvarar, sa Montaño.

Skeleton-køyrar Katie Uhlaender meiner utøvarane er i stand til å presse Wada.

– Vi må klare å seie frå. I 2018 har vi den sjansen. Det er viktig at vi ser på kvarandre og gjer det vi kan for å bli høyrde, seier Uhlaender.

At utøvarane må få mykje meir å seie, er eitt av dei omfattande reformkrava møtet kom fram til.

Linda Hofstad Helleland hører på bloggere

TIL STADES: – Eg skal ta med meg desse synspunkta, seier Wadas visepresident Linda Hofstad Helleland, som var i Det kvite hus

Foto: Tore Linvollen / NRK

– Utøvarane har starta marsjen for ei endring til open og uavhengig antidopingarbeid, sa Wadas visepresident Linda Hofstad Helleland på møtet.

Helleland deltok som privatperson, ikkje som Wada-utsending. Ifølgje VG bad Wada-president Craig Reedie henne om ikkje å delta på møtet, men Helleland valde å møte likevel.

Laster Twitter-innhold

Wada kritisk

– Dei uttrykte vonbrot og svekka tillit til Wada. Dette er noko eg kjem til å formidle vidare til organisasjonen, seier Helleland til Aftenposten.

Wada var raskt ute med kritikk av møtet i Det kvite hus.

– Berre den eine sida av saka blei presentert, skriv Wada til insidethegames.biz.

– Det gjeld berre dei som går imot den demokratiske avgjerda i Wada-styret om å ta Russland inn igjen i antidopingarbeidet. Hadde Wada-presidenten eller andre som støtta avgjerda, vore inviterte, kunne det ha gitt diskusjonen eit anna perspektiv, skriv Wada.

Når eg som visepresident, styremedlem Clayton Cosgrove, utdanningskomitéleder Edwin Moses og utøvarkomitéleder Beckie Scott var invitert, så seier det litt om korleis dei ser på saker, når dei seier at ikkje nokon frå WADA var invitert, fortel Helleland til VG.

Vil ikkje trekke støtta

Bakgrunnen er Wadas omstridde vedtak om å ta Russland inn igjen som fullt medlem, trass i at dei enno ikkje har oppfylt krava Wada har stilt sidan Russland blei kasta ut i 2015.

Ei rekke toppidrettsutøvarar har teke avstand frå dette, og den kanadiske tidlegare langrennsløparen Becky Scott trekte seg frå Wada-styret.

Travis Tygart

KRITISK: USAs antidopingsjef Travis Tygart (i midten) gjekk hardt ut mot det han meiner er dobbelrolle for Wada-president Craig Reedie. Han er flankert av USA-administrasjonens antidopingsjef Jim Carroll og Usada-styreleiar Edwin Moses

Foto: J. Scott Applewhite / AP

Eit anna krav er at leiinga i organisasjonen skal vere uavhengig. I dag er styret samansett av seks frå IOC og seks frå medlemslanda. Presidentvervet går på omgang mellom dei to gruppene. Sitjande president Craig Reedie er frå IOC-leiren. Han må gå av neste år, då skal ny president veljast frå den nasjonale delen av styret.

Det var Jim Carroll, direktøren for den nasjonale dopingkontroll-politikken i USA, som hadde kalla inn til møtet. På spørsmål om USA kan kome til å halde tilbake den økonomiske støtta til Wada, sa han at det førebels ikkje er aktuelt.

– Det er ei absolutt siste utveg, sa han.

Styret i Wada skal møtest i Baku i Aserbajdsjan 15. november.

Siste nytt

  • Scoret i debuten

    Kristian Thorstvedt scoret da han debuterte for sin nye klubb Genk igår kveld. 20-åringen scoret 23 minutter ut i oppgjøret mot Zulte Waregem. – Utrolig deilig debut med tre poeng og mål. Kunne ikke drømt om noe bedre, skrev han på Twitter etter kampen.

    Kristian Thorstvedt
    Foto: Carina Johansen / NTB scanpix
  • Dårlig nytt for Solskjær

    Etter 2-0-tapet mot Liverpool igår bekreftet Manchester United-manager Ole Gunnar Solskjær at Marcus Rashford har pådratt seg et tretthetsbrudd i ryggen. Det betyr at Uniteds toppscorer trolig blir ute i to til tre måneder. – Han har fått en stygg skade og blir ute en stund. Det pleier å ta i hvert fall seks uker å lege et tretthetsbrudd, og så må han ha rehabilitering etter det, sier nordmannen om situasjonen.

    Michael Carrick, Ole Gunnar Solskjær og Marcus Rashford
    Foto: Tim Ireland / AP
  • Norge sendte Sverige ut av EM

    Norge vant 23-20 over Sverige i Malmö søndag, og sendte med det svenskene ut av håndball-EM. Målvakt Torbjørn Bergerud ble kåret til kampens beste spiller. Norges neste kamp er Island. Den kampen spilles tirsdag. Deretter venter Slovenia onsdag.

    Norges keeper Torbjørn Bergerud.
    Foto: Jonathan Nackstrand / AFP

Sendeplan

Kl. Program Kanal