Kristoffersen: – Dette var tungt

Norges største håp i alpinåpninga i Sölden var Henrik Kristoffersen. Men verken han eller dei andre nordmennene fekk det til i første omgang av storslalåmrennet.

Henrik Kristoffersen

SKUFFA: Henrik Kristoffersen er langt bak teten, og synest det var tungt å køyre

Foto: Marco Trovati / Ap

– Det var tungt, altså, var Kristoffersens første kommentar til NRK etter at han hadde køyrt inn til det som då var niandeplass, men som etter kvart vart 12.-plass.

– Ted må ha køyrt styggfort, sa han om Ted Ligety. Amerikanaren leier, 2,19 betre enn Kristoffersen.

Leif Kristian Haugen er nummer 15 etter første omgang. Kjetil Jansrud er nummer 21 og Aksel Lund Svindal 24. Alle desse får dermed køyre finaleomgangen. Dit kom ikkje Rasmus Windingstad og Bjørnar Neteland, dei blei nummer 35 og 44.

Henrik Kristoffersen bomma litt i ein sving i første henget, og makta aldri å finne tilbake til farten og rytmen.

Tverrslag

– Tilhøva var stort sett bra, men det var blitt nokre tverrslag, sa Kristoffersen, som hadde startnummer 14. – Det var røft der oppe, men slik er det.

Leif Kristian Haugen er nest best av dei norske, 2,68 bak. Kjetil Jansrud og Aksel Lund Svindal fekk det heller ikkje til i Sölden.

Ted Ligety

LEIER: Ted Ligety køyrde ikkje uventa best av alle i første omgang, men har Marcel Hirscher rett bak

Foto: Marco Trovati / Ap

Fjorårsvinnar Marcel Hirscher starta først, men vart slått med 17 hundredeler av Ligety, som kom to startnumer seinare. Thomas Fanara og Roberto Nani er også innan rekkevidda av teten med sine 33 og 63 hundredeler bak, men deretter er avstandane store.

– Eg er nøgd med omgangen, sa Ligety til NRK. – Men vi er berre halvveges, la han til.

Aksel: – Vanskeleg

Aksel Lund Svindal køyrde det som nærmast var eit comeback etter at omtrent heile førre sesong vart spolert av skade. Han var overraska over vanskane i løypa.

– Eg trudde ikkje løypa skulle vere så vanskeleg. Dette er forhold eg ikkje har på trening, for å seie det slik, sa han om traseen som var nokså humpete då han starta som nummer 17.

– Dette var skuffande. Eg skulle så gjerne ha levert betre i dag, sa Svindal.

Siste nytt

  • Dumoulin hoppar av Vueltaen

    Tom Dumoulin var blant dei store favorittane i Vuelta a Espana. No kastar nederlendaren inn handkleet, står av rittet og avsluttar sykkelsesongen.

    Det stadfestar laget til nederlendaren, Jumbo-Visma, onsdag.

    Sju etappar er sykla i det som er årets siste store etapperitt. For Dumoulin har Vueltaen vorte eit gedigent vonbrot. 53.-plass, nesten 43 minutt bak samanlagt-leiar Richard Carapaz, var fasiten etter etappen på tysdag.

    Tom Dumoulin
    Foto: ANNE-CHRISTINE POUJOULAT / AFP
  • Utsetter EM-kvalifiseringskamp

    Som følge av virussituasjonen kommer ikke Latvia til Norge for å møte Sander Sagosen i den første kampen i EM-kvalifiseringen 4. november.

    Det europeiske håndballforbundet (EHF) har besluttet å utsette kampen på ubestemt tid, opplyser Norges Håndballforbund.

    Åpningskampen i EM-kvalifiseringen mot Latvia skulle vært spilt i Nadderud Arena onsdag 4. november.

    Sagosen
    Foto: Vidar Ruud / NTB
  • Barcelona sa ja til superliga

    Barcelonas president Josep Maria Bartomeu sa måndag ja til tilbodet om å spele i ein ny superliga. Det opplyste klubbpresidenten i går, sasmtundes som han trekte seg frå jobben.

    I førre veke blei det kjent at det er planer om ein ny europeisk superliga med 18 klubbar frå dei største fotballnasjonane. Det er dei amerikanske eigarane av Liverpool og Manchester United som skal vere dei største pådrivarane, og FIFA skal også vere positiv.

    Ryktet om slike planer har dukka opp med ujamne mellomrom i mange år. Men Barcelonas offisielle ja blir betrakta som ei bombe, ifølgje danske Ekstrabladet.

    Superligaen kan kome til å starte allereie i 2022. Kampane skal gå parallelt med dei heimlege ligaene, men vil vere eit stort trugsmål mot meisterliga og europaliga, ifølgje opplysningar i Sky Sports.

    Bartomeu opplyste også at Barcelona støttar FIFAs forslag om utvida klubb-VM med 24 lag kvart fjerde år.

Sendeplan

Kl. Program Kanal