NRK Meny
Normal

Trur ikkje på VM-vinnarens dopingforklaring

Pavel Kulizjnikovs trenar meiner skøyteløparen ikkje har tatt meldonium etter at det blei forbudt. Den forklaringa kjøper ikkje den medisinske sjefen i Antidoping Norge.

Pavel

AVSLØRT: Verdsrekordhaldar Pavel Kulizjnikov.

Foto: Ivan Sekretarev / Ap

– Vi visste alle at meldonium blei forbudt etter nyttår. Han (Kulizjnikov) har ikkje tatt det på eitt år, seier trenar Dimitrij Dorofeev.

Den suverent beste skøytesprinteren i verda, med VM-gull og verdsrekord på 500-meter, er ein av mange russiske idrettsutøvarar som no har testa positivt for stoffet meldonium.

Dopingmiddelet, som blir brukt som hjartemedisin i Aust-Europa, kom på WADAs antidopingliste 1. januar i år.

– Sit i kroppen i eit par dagar

Trenaren meiner at Kulizjnikovs prøve kun har hatt spor av meldonium, som kan komme av bruk langt tilbake i tid.

Det tviler medisinsk sjef i Antidoping Norge på.

– Eg synst at det høyrest betenkeleg ut at det skal vere i kroppen over lengre tid. Halveringstida skal vere kort etter enkeltdoser. Det sit kanskje i kroppen i eit par dagar etter bruk, seier Per Wiik Johansen.

Sjølv hyppig bruk av meldonium er vanskeleg å spore, trur Wiik Johansen.

– Ved hyppig bruk kan det vere i kroppen over betydeleg lengre tid, men det er vanskeleg å uttale seg om når eg har så lite data på korleis stoffet blir omsett i kroppen, seier den medisinske sjefen.

Per Wiik Johansen

MEDISINSK SJEF: Per Wiik Johansen.

Foto: NRK

– Men eg trur han må ha brukt det ganske tett opp til nyttår for at det fortsatt skal vere spor, legg han til.

Spår fleire saker

Så langt har elleve idrettsutøvarar testa positivt for stoffet etter at det blei ulovleg. Flesteparten kjem frå Russland.

Wiik Johansen trur vi kan vente oss fleire avsløringar.

– Eg trur det kjem fleire saker. Dette kan gjelde ulike utøvarar frå fleire land, men slik det ser ut no vil det komme meir, seier Wiik Johansen.

Bruken av stoffet blei overvåka gjennom heile fjoråret.

– I180 til190 av testane fann ein meldonium. Tre fjerdedelar av dei positive prøvane var tatt i konkurranse, 25 prosent blei avslørt utanfor konkurranse, seier Wiik Johansen.

Siste nytt

  • Ønsker å trene med Johaug

    Astrid Uhrenholdt Jacobsen håper «med hver eneste celle i kroppen» at Therese Johaug fortsetter til tross for at lagvenninnen mister OL neste år. – Heldigvis kan hun trene med hvem hun vil på privaten. Jeg har i alle fall et ønske om å bidra der. Jeg tror det blir viktig å ha noen ting felles, sier Jacobsen til NRK.

    Lagvenninnene støtter Johaug
  • Mørkøv til Quick-Step

    Michael Mørkøv blir ikke med Alexander Kristoff til det arabiske laget UAE, ifølge procycling.no. Mørkøv var en av Kristoffs viktigste opptrekkere i Katjusja. Nå gar han til belgiske Quick-Step. Der blir han hjelperytter for Fernando Gaviria, årets spurtkongen i Giro d'Italia. Kilde: procycling.no

    Michael Mørkøv
    Foto: Braastad, Audun / NTB scanpix

Sendeplan

Kl. Program Kanal