Tidstrøbbel for VM: Ingen har søkt for å få Carlsen-kamp

Det er snart eitt år til Magnus Carlsen skal forsvare VM-tittelen for fjerde gong, men det internasjonale sjakkforbundet (FIDE) er allereie i tidstrøbbel.

Magnus Carlsen

POPULÆR: Magnus Carlsen har som regel mange tilskodarar når han spelar sjakk. Her i partiet mot Boris Gelfand under VM i lyn- og hurtigsjakk i St. Petersburg i romjula 2018.

Foto: Jørund Wessel Carlsen / NRK

Fristen for arrangørbyar til å levere VM-søknad var 25. juli. NRK snakka med presidenten i det internasjonale sjakkforbundet (FIDE) Arkadij Dvorkovitsj i juni, og då hevda presidenten at fleire byar var interesserte.

– Vi bruker maks ein månad på å bestemme oss for kven som blir vertsby, sa Dvorkovitsj til NRK 5. juni.

No er det snart tre månader sidan fristen, men framleis står VM i 2020 utan arrangør.

Arkadij Dvorkovitsj

FIDE-PRESIDENT: Russiske Arkadij Dvorkovitsj vart valt som FIDE-president i oktober 2018.

Foto: Erik Waage / NRK

Stavanger og Wien trekte seg

FIDE har vore i dialog med fleire byar om å arrangere VM. Stavanger peika seg lenge ut som den sterkaste kandidaten, og vart hylla av Dvorkovitsj då han var på besøk i byen under Norway Chess i juni.

Under éin månad seinare trekte Stavanger VM-søknaden, og då stod FIDE på berr bakke.

Då hadde russaren allereie fått nei av ein annan by.

Museumskvarteret i Wien

SA NEI: Wien var langt på veg i søkearbeidet, men valde å droppe søknaden tidlegare i år.

Foto: Herwig Prammer / Reuters

Allereie i 2018 vart det klart at Wien var interessert. Det austerrikske sjakkforbundet fyller 100 år i 2020, og ønskte å feire med VM-kamp. Representantar frå både FIDE og Agon (firmaet som tidlegare har arrangert VM-kampane på oppdrag frå FIDE) var i byen for å sjekke fasilitetane. Signala var såpass gode at Austerrikes sjakkforbund fekk på plass ein statsgaranti for ein tredel av kostnadene.

Sidan den gongen er Agon vraka som VM-arrangør, og FIDE har fått heilt ny toppleiing. Dermed har òg Wien-forholdet vorte kjølig.

– Det nye styret valde å stoppe prosessen, og bryte kontrakten med Agon for å starte ein ny bodrunde med frist i juli. Det gjorde det umogleg for oss å halde fram, skriv generalsekretær i det austerrikske sjakkforbundet, Walter Kastner, i ein e-post til NRK.

Vrakinga av Agon skjedde etter krav om transparente prosessar og opne bodrunder, som mellom anna var eit krav frå Stavanger for å søke for VM. FIDE sjølv var svært positive til VM i Noreg, og endra dermed vilkåra for å arrangere VM.

– Nærast umogleg

– Det store problemet er at FIDE forventar at vi tek ansvaret som arrangør og tek heile den økonomiske risikoen. Det er nærast umogleg å hente inn så mykje pengar på eit par månadar, skriv Kastner vidare.

– Var kontraktsbrotet mellom Agon og FIDE ein «game changer» for dykk?

– Ja, det gjorde det umogleg for oss å legge inn eit bod. Vi trong ein partnar som dei for å klare det.

Fleire byar har vore nemnde som mogleg VM-arrangør. Chessbase trekte fram Monaco og St. Louis som andre moglege byar. Sistnemnde er Fabiano Caruanas «heimebane», og hadde truleg vore meir interessant dersom han hadde vunne VM-kampen i fjor.

Monaco stadfestar til NRK at det er uaktuelt for dei å arrangere VM i 2020.

– Vi har aldri vore interesserte i å arrangere denne kampen, seier president i Monacos Sjakkforbund, Jean Michel Rapaire, til NRK.

FIDE SJAKK-VM

LONDON: Slik så inngangen til sjakk-VM ut i 2018, då det var i London. Magnus Carlsen har òg spelt i New York (2016), Sotsji (2014) og Chennai (2013).

Foto: Terje Bendiksby / NTB scanpix

Utsette fristen etter Stavanger-nei

Å arrangere VM-kampen kostar mellom 50 og 60 millionar kroner, og eventuelle arrangørar må derfor jobbe knallhardt med eventuelle sponsorar for å få VM.

– Akkurat no er det tre byar som er interesserte i å arrangere, og vi forventar å få inn to bod dei neste dagane. Ein tredje by kjem kanskje ikkje gjennom, men vil bli vurdert mot 2022, seier David Llada, kommunikasjonssjef i FIDE, til NRK.

Han vedgår at Stavangers nei til VM har utsett avgjerda.

– Stavanger såg ut til å vere ein klar kandidat, og det gjorde at potensielle byar heldt seg unna. Då dei sa nei, blomstra interessa opp i andre byar, som spurde om ekstra tid. Derfor er søknadsfristen utvida, og vi vil annonsere avgjerda 1. november, seier Llada.

Siste nytt

  • Skadet Haaland mister kamp

    Erling Braut Haaland er ikke med i troppen til lørdagens Dortmund-kamp mot Borussia Mönchengladbach.

    Det bekrefter Dortmund selv, og oppgir muskulære problemer som årsak.

    Det er svært urovekkende nyheter for Norge før skjebnekampen i VM-kvalifiseringen mot Tyrkia 8. oktober. Ståle Solbakken tar ut troppen kommende tirsdag.

    Verken Solbakken eller pappa Alfie Haaland har besvart NRKs henvendelser så langt.

    Allerede er det klart at Alexander Sørloth mister den kommende landslagsperioden med skade.

    For å gjøre lørdagen komplett for Solbakken ble også Mathias Normann byttet ut med skade for Norwich i kampen mot Everton. Det er foreløpig uvisst hva skadeomfanget er. Sander Berge var heller ikke i Sheffield Uniteds tropp mot Derby.

    UdGebxQbpiQ
    Foto: LEON KUEGELER / Reuters
  • Ny seier for Sandviken

    Sandviken tok sin niende strake seier da Kolbotn ble slått 3-1 i Toppserien i fotball for kvinner lørdag.

    Lisa Naalsund sendte laget sitt i ledelsen da hun satte inn 1-0-målet etter 34 minutters spill. Sandviken-spilleren står med fem seriemål i år. Guro Bergsvand fikk nettsus og doblet ledelsen fem minutter senere. Ved pause var stillingen 2-0 til Sandviken.

    Etter lørdagens kamp ligger Kolbotn på sjetteplass på tabellen med 13 poeng, mens Sandviken er på førsteplass med 40 poeng.

    Toppserien 2021: Rosenborg - Sandviken.
    Foto: Ole Martin Wold / NTB
  • Aalesund opp på opprykksplass

    Aalesund vant 3-2 mot Strømmen i 1. divisjon. De er dermed på opprykksplass, mens KFUM er på siste kvalifiseringsplass etter 2-0 mot Grorud.

    4.-plasserte Fredrikstad møter Start, mens 5.-plasserte Sogndal spilte 0-0 mot Bryne lørdag.

    Sigurd Haugen.
    Foto: Svein Ove Ekornesvåg / Svein Ove Ekornesvåg

Sendeplan

Kl. Program Kanal