NRK Meny
Normal

Tangerte Bjørndalen: – Stort å vere likt med barndomshelten

Skiskytingas supermann, Martin Fourcade, sleit med å motivere seg for å tangere Ole Einar Bjørndalens rekord. Tenninga kom då han såg kongen av skiskyting på trening i Sør-Korea.

Martin Fourcade smeller ned alle på siste skyting og tar nok en seier på jaktstart

LIKT MED KONGEN AV SKISKYTING: Martin Fourcade vann jaktstarten i Sør-Korea, og tangerte Ole Einar Bjørndalens 12 sigrar i ein sesong.

– Det er utruleg. Eg er ein del av generasjonen som voks opp med å sjå Ole Einar på TV. Det er stort å vere likt med barndomshelten min. Han motiverte meg til å bli god då eg var ung, seier Fourcade til NRK.

På jaktstarten under prøve-OL i Pyeongchang gjekk franskmannen ut som nummer tre, men hadde ingen problem med å ta igjen austerrikarane som låg på plassane framfor.

28-åringen kunne juble for sin 12. siger for sesongen. Bare Ole Einar Bjørndalen har klart ei like utruleg rekke med sigrar i løpet av ein sesong.

Rekorden tok han i 2005. No må nordmannen dele plasseringa på toppen med ein franskmann, som sleit med å gire seg opp til å komme likt.

– Då eg kom til Sør-Korea var eg veldig sliten. Eg var tom for motivasjon. Men då eg kom til treninga her såg eg Ole Einar Bjørndalen på 43 år, som testa ski til OL neste år. Eg tenkte «wow!».

– For ein mann. At han har så mykje motivasjon etter så mange år er utruleg, seier Fourcade.

Ein utøvar har fleire enn Fourcade og Bjørndalen

Forsberg

TIDENES MESTVINNANDE UANSETT KJØNN: Magdalena Forsberg.

Foto: Junge, Heiko / NTB scanpix

Fourcade er no to sigrar unna å tangere tidenes mestvinnande skiskyttar i ein sesong, som er svenske Magdalena Forsberg.

I 2000/2001-sesongen tok ho heile 14 sigrar.

Med fleire individuelle renn igjen av sesongen er sjansen tilstades for at Fourcade passerer Forsbergs 14 triumfar, men sjølv er franskmannen usikker på kor mykje han vil konkurrere.

28-åringen, som snart blir far for andre gang, veit ikkje om han kjem til verdscupavslutninga i Holmenkollen, der det er tre renn på programmet.

– Det er vanskeleg for meg. Eg vil vere med på fødselen, men ønskar også å ta imot verdscup-trofea i Holmenkollen sidan eg respekterer konkurrentane mine og laget mitt som har jobba hardt for at eg skulle klare dette. Det blir nok den vanskelegaste avgjerda i livet mitt, seier Fourcade.

Fem sjansar igjen dersom han går alt

I VM klaffa det ikkje heilt for franskmannen, som bare fekk med seg eitt individuelt gull.

Får han tilbake flyten han hadde i starten av sesongen, har han fem gode sjansar til å tangere og passere Magdalena Forsberg.

Foreløpig kan han juble for å ha vunne seks av sju jaktstartar.

– Ein heilt utruleg statistikk. Fourcade lar seg ikkje stoppe, seier NRKs kommentator Andreas Stabrun Smith.

For han andre som har vunne 12 gangar i løpet av ein sesong, Ole Einar Bjørndalen, gjekk det dårleg på jaktstarten. Bjørndalen enda som nummer 19. etter tre bom. To av dei kom på siste ståande.

Vetle Sjåstad Christiansen blei beste norske på ein 12.-plass med to bom. Henrik L'Abee-Lund gjekk seg opp frå ein 38.-plass til ein 17.-plass med fullt hus på fire skytingar.

VM i skiskyting 2017. Pressetreff 20 km menn, tirsdag.

MÅ DELE REKORDEN: På herresida er det bare Ole Einar Bjørndalen som har klart å vinne 12 gangar i løpet av ein sesong. No må han dele rekorden med Martin Fourcade.

Foto: Berit Roald / NTB scanpix
Laster innhold, vennligst vent..

Siste nytt

  • Svensk favoritt rømte etter kvalik

    Den svenske skikjøreren Henrik Harlaut var blant favorittene, men klarte ikke å kvalifisere seg til finalen i slopestyle. Da rømte han fra laget, pressen og det som var i bakken.

    – Vi vet ikke hvor han er, sier pressesjef Lars Markusson.

    Henrik Harlaut
    Foto: Mike Blake / Reuters
  • Norge vant 10-8

    Herrelandslaget i curling hadde kniven mot strupen i nattens kamp mot Danmark, men klarte til slutt å hale i land seieren. Norge har nå to seiere og tre tap hittill i OL. Det vil si at håpet om semifinale fortsatt lever.

    Vinter-OL. Olympiske leker i Pyeongchang 2018.
    Foto: Lise Åserud / NTB scanpix
  • Norge leder klart

    Norge leder 9-3 i den viktige curlingkampen mot Danmark. To gode runder hvor nordmennene vant 4-0 la utgangspunktet for forspranget. Skal Norge ha noen som helst mulighet til å avansere må de vinne denne.

    Vinter-OL. Olympiske leker i Pyeongchang 2018. Curling menn. Norge - Korea (7-5)
    Foto: Erik Johansen / NTB scanpix

Sendeplan

Kl. Program Kanal
OL i Pyeongchang: Storslalåm 2. omgang, menn
OL i Pyeongchang: Storslalåm 2. omgang, menn
OL i Pyeongchang: Storslalåm 2. omgang, menn
OL i Pyeongchang: Langrenn stafett, menn
OL i Pyeongchang: Langrenn stafett, menn
OL i Pyeongchang: Langrenn stafett, menn
OL i Pyeongchang: Langrenn stafett, menn
OL i Pyeongchang
Ski Classics: Jizerska Padesatka
OL i Pyeongchang: Skiskyting, fellesstart menn
OL i Pyeongchang: Skiskyting, fellesstart menn