Ronaldo sur og frustrert: – Island har svak mentalitet

Cristiano Ronaldo klaga og sutra etter 1–1 mot Island. Og han får svar av Islands landslagssjef.

Cristiano Ronaldo

FRUSTRERT STJERNE: Cristiano Ronaldo var sur fordi han aldri kom gjennom Islands forsvar

Foto: JEAN-PHILIPPE KSIAZEK / Afp

Cristiano Ronaldo var sur og tydeleg frustrert og gjekk av bana utan å takke nokon av motstandarane for kampen etter Portugals skuffande 1–1 mot Island tysdag.

Han nekta også å byte skjorte med Aron Gunnarsson.

Laster innhold, vennligst vent..

Han skulda islendingane for å prøve å øydelegge kampen.

Laster Twitter-innhold

– Dei parkerte bussen inne i mål, freste Portugals superstjerne.

– Vi gjorde vårt beste, skapte sjansar og hadde ballen heile tida. Dei prøvde ikkje på noko, dei berre forsvarte seg, forsvarte seg, forsvarte seg. Det var ein heldig kveld for dei, med to sjansar og eitt mål. Dei prøvde ikkje å spele, og vi var frustrerte, sa han.

Ronaldo får til dels hard medfart på sosiale media etter sin tweet.

Laster Twitter-innhold
Laster Twitter-innhold
Laster Twitter-innhold

– Dei kjem aldri til å vinne noko

– Dei jubla som om dei hadde vunne EM. Derfor kjem dei aldri til å vinne noko. Etter mi meining viser dette at dei tenkjer smått, la han til.

Cristiano Ronaldo

INGEN TAKK: Ronaldo takka så vidt sin eigen trenar etter kampen, men ingen av motstandarane

Foto: Michael Sohn / Ap

Ronaldo sjølv fekk lite til. Han stod rett nok bak heile ti av Portugals 24 skot i kampen, men utan å få teljande resultat. I sluttminutta heada han rett på keeper frå fem meter.

Ronaldo spela sin landskamp nummer 127, noko som er tangering av legendariske Luis Figos portugisiske rekord. Men kampen blei ein nedtur.

– Men eg er hundre prosent sikker på at vi slår Austerrike laurdag, seier Ronaldo.

– Dei må spele betre enn dette

Men den portugisiske megastjerna får svar frå Island.

– Dei må spele betre enn dette for å slå Island. Så enkelt er det, er det lakoniske svaret frå landslagssjef Lars Lagerbäck.

– Barnsleg, seier midtstoppar Kari Arnason.

– Det er vår måte å gjere det på: Å forsvare oss godt, og å gripe dei sjansane vi får. Sjølv om det irriterer Ronaldo, seier Islands og Bodø/Glimts keeper Hannes Halldorsson.

– Derfor får vi også resultat mot land som er mykje større enn oss. Vi kan få eit resultat mot kva land som helst på ein god dag. The sky is the limit, seier han.

Islands 37-årige veteran Eidur Gudjohnsson har vore stjerne på både Barcelona og Chelsea, og hatt sin del med frustrasjon over «parkerte bussar».

– Nei, det er ikkje lett når du ikkje får alt til på din eigen måte, gliser han.

Siste nytt

  • Salt Lake City får søke om OL

    Salt Lake City har fått grønt lys frå den amerikanske OL-komiteen til å søke om å vere vertskap for vinter-OL. Byen var vertsby for OL i 2002. Søknaden vil truleg gjelde 2030, men det er også ope for å søke om vinter-OL 2026.

  • Russland mot Frankrike i EM-finalen

    Storfavoritten Russland hadde få problemer med Romania i EM-semifinalen i kvinnehåndball fredag. Russerne vant 28-22. I finalen venter hjemmenasjonen Frankrike, som slo Nederland 27-21 i sin semifinale.

    Handball - Women's EHF Euro 2018 - Semi Final - Russia v Romania
    Foto: Charles Platiau / Reuters
  • Kåret til Afrikas beste spiller

    Liverpool-profilen Mohamed Salah er for andre året på rad kåret til Afrikas beste fotballspiller av britiske BBC. 26-åringen slo Medhi Benatia, Kalidou Koulibaly, Thomas Partey og lagkamerat Sadio Mané i kampen om prisen.

    Foto: Francois Mori / AP

Sendeplan

Kl. Program Kanal
V-cup hopp: 1. omgang, kvinner
V-cup langrenn: Sprint prolog
V-cup skiskyting: Jaktstart kvinner
V-cup alpint: Utfor menn
V-cup alpint: Utfor menn
V-cup hopp: 2. omgang, kvinner
VM svømming kortbane
VM svømming kortbane
V-cup langrenn: Sprint fri teknikk
Vinterstudio
V-cup skiskyting: Jaktstart menn