Berge freste mot flyttinga av bronsefinalen: – Det tåpelegaste eg har høyrt nokosinne

OSLO/STOCKHOLM (NRK): Landslagssjef Christian Berge jubla for bronse, men langa ut mot arrangøren som la bronsefinalen til dagen etter semifinalane.

Christian Berge
Foto: Vidar Ruud / NTB scanpix

Laster innhold, vennligst vent..

– Det er på grensa til å vere forkasteleg, seier Berge.

Han reagerer sterkt på at bronsefinalen kjem dagen etter semifinalen, der alle veit at det kan bli ekstraomgangar. Det blei det for Noreg i går, med 20 minutt ekstra speletid. Det er belastninga for spelarane han er aller mest redd for.

Det gjekk mindre enn 22 timar frå kampslutt fredag til avkast laurdag.

– I framtida må noko skje, slik kan vi ikkje halde på. Då vil meisterskapa i framtida gå utan dei største spelarane.

Berge blir konfrontert med arrangørane si grunngiving om at det er fordi bronsevinnarane skal kome meir fram i lyset, og ikkje kome i skuggen av finalen.

– Det er det tåpelegaste eg har høyrt nokosinne, skal eg vere heilt ærleg.

Krister Bergström i det europeiske handballforbundet forklarer overfor NRK at grunnen var å få bronsevinnaren meir fram i lyset.

– Vi ville at bronsevinnaren skulle kjenne seg som vinnar og hamne i fokus, seier Bergstöm til NRK.

Han meiner at om bronsefinalen skulle gå rett før finalen, ville all merksemda gå til kampen om gullet. Derfor blei alle tre arrangørane samde om å flytte både bronsefinalen og kampen om femteplassen til laurdag, medan finalen er einerådande på søndag.

Storspel av skadd målvakt

Torbjørn Berger

STENGDE BURET: Torbjørn Bergerud leverte sin beste kamp i heile EM mot Slovenia

Foto: Vidar Ruud / NTB scanpix

Målvakt Torbjørn Bergerud blei den store spelaren i bronsefinalen, og spela sin beste kamp i årets EM. Noreg slo Slovenia 28–20.

– Han har vore kampens aller beste spelar, sa NRKs Håvard Tvedten mot slutten av kampen.

Noreg tok EM-medalje for aller første gong.

– Han har stengt buret. Det finst ikkje ord for å skildre Bergerud i kveld, sa kommentator Patrick Sten Rowlands.

– Det var fantastisk å stå der i dag. Heile laget har ei veldig revansjelyst etter tapet i går, seier Bergerud til NRK.

– Vi vil meir enn slovenarane, og er kanskje litt mindre slitne enn det dei var.

Han hadde ein redningsprosent på 44. I deler av kampen var den over 50, trass smerter i handa etter skaden han fekk i semifinalen i går.

Då fekk han ein skrue i handa, og under oppvarminga kunne ein sjå han halde seg i den teipa handa fleire gonger. Men det let han seg ikkje prege av.– Eg kan ikkje teipe det skikkeleg, det blir rive i stykke likevel, sa han.

Bergerud fortalde at han spela med skruen i handa til ordinær tid var slutt i kampen i går. Før ekstraomgangane blei skruen dratt ut.

Det tok til å blø litt i starten av kampen mot Slovenia.

– Men det var berre å tørke seg på buksa. Den er heldigvis svart, så då syntest ikkje blodflekkane så godt, derfor kunne dei ikkje ta meg ut av matchen, gliser målvakta.

Sagosen med tidenes EM-rekord

Sander Sagosen

REKORD: Sander Sagosen er ikkje berre toppscorar i årets EM, men han sette meisterskapsrekord totalt med 65 mål

Foto: Vidar Ruud / NTB scanpix

Sander Sagosen spela ikkje sin beste kamp, men sette rekord likevel. Han scora fire mål, og er EMs toppscorar med 65 mål. Det er ny meisterskapsrekord. I tillegg har 53 assist.

– Eg er ekstremt stolt over å ha spela med desse gutane her. Vi har nesten spela eit perfekt meisterskap. Vi taper ein kamp i fjerde ekstraomgang, elles har vi feia all motstand vekk. Vi skal vere stolte av dette, sa Sagosen i det offisielle sigersintervjuet.

Då Sander Sagosen sette inn 3–2 på straffe, sette han EM-rekord. Han sette inn sitt mål nummer 62 i årets EM-turnering, ei meir enn makedonske Kiril Lazarov greidde i 2012.

– Kampen er prega av to lag som spela kamp i går. Det har ikkje vore nokon god kamp, sa NRK-kommentator Håvard Tvedten i pausen.

Han var betre nøgd med andre omgang.

– Det kjem av eit forsvarsspel som er godt planlagt. Vi kjem oss tilbake og får etablert oss, og vi står og ventar til dei kjem med trykket sitt. Dei har ikkje den farten som Noreg har. Vi er rett og slett mykje betre enn Slovenia, sa Tvedten i sluttminutta då bronsen var sikra.

– Dette betyr mykje, å gå frå den skuffande kampen i går til siger og bronse i dag. Dette er utruleg stort av laget, seier Magnus Gullerud til NRK.

Han seier at det var mykje jobb i hovudet med å reise seg etter tapet i går.

– Men det greidde vi mykje betre enn Slovenia, seier han.

– Nesten sjukt å tenke på

Noreg har gått frå å vere eit lag som aldri kom seg heilt inn i medaljekampen til å bli eitt som gjer det kvar gong.

– Det er nesten sjukt å tenke på. Det er utruleg stort å få vere med på den reisa vi har gjort.

– Korleis skal de feire det?

– Det er eg ikkje sikker på. No blir det bankett, sa Gullerud før han gjekk for å hente bronsen sin.

Då leia Noreg 12-9, men andre omgang skulle bli mykje betre for Noreg. I starten stakk Noreg frå og scora fem strake. Det gjekk nesten åtte minutt før Slovenia scora.

– Det er ein eim av bronselukt, sa Patrick Sten Rowlands på norsk leiing 20–14 13 minutt før kampslutt.

Bronsemedaljen gir også Noreg automatisk plass i neste års VM i Egypt.

Siste nytt

  • Martial redda uavgjort for United

    Anthony Martial scora eit svært viktig bortemål for Manchester United mot Club Brügge i 16-delsfinalen i Europaligaen mot Manchester United. Den belgiske klubben starta best og tok tidleg leiinga ved Emmanuel Dennis etter 15 minutt. Solskjærs menn tok seg opp utover kampen og etter 36 minutt sette Martial iskaldt inn utlikninga. United pressa på og var nærmast sigeren mot slutten, men har likevel skaffa seg eit godt utgangspunkt for avansement før heimemøte på Old Trafford.

    Anthony Martial
    Foto: JOHN THYS / AFP
  • Jumbolaget slo Oilers

    Oslo-laget Grüner overraska heile Hockey-Noreg da dei slo serievinnar Stavanger Oilers 4-3 torsdag. Grüner ligg heilt desidert sist i serien med heile 27 poeng opp til Manglerud Star på plassen over. Likevel klarte dei altså å ta skalpen til Oilers som alt har vunne serien denne sesongen.

    Gruner
    Foto: Annika Byrde / Annika Byrde
  • Noreg til semifinale i bandy-VM

    Dei norske bandykvinnene var sjanselause mot Sverige og tapte heile 11-1 på Frogner stadion. Likevel er dei klare for semifinale fredag. Motstandar der blir Russland, som Noreg tapte 2-0 for tidlegare torsdag. Sverige møter Finland i den andre semifinalen. Noreg starta VM med siger mot USA og Finland og klarte seg også greitt mot favoritten Russland. Sverige og Russland har møtt kvarandre i alle finalane i VM sidan meisterskapet blei arrangert for fyrste gong i 2004.

    Sverige mot Noreg på Frogner stadion i bandy-VM
    Foto: Fredrik Hagen / NTB Scanpix

Sendeplan

Kl. Program Kanal