– Om Tour de France blir avslutta utan norsk etappesiger, er det skuffande

Det var i forrige veke Alexander Kristoff og Edvald Boasson Hagen skulle skinne og vinne. Det har dei ikkje vore i nærleiken av, og no er det nesten ingen sjansar igjen.

Nedtur i TdF

NEDTUR: Avisoverskriftene har vore prega av unnskyldningar så langt i Tour de France for Edvald Boasson Hagen (f.v.) og Alexander Kristoff.

Foto: Ruud, Vidar / NTB scanpix

– Eg hadde nok trudd på førehand at Alex skulle hatt iallfall ein etappesiger no, med tanke på at han er ei av stjernene i sykkelsporten, seier Gabriel Rasch etter første veka i Tour de France.

Rasch er sportsdirektør i Sky og skal vere ekspertkommentator på NRK Radios direktesending frå Touren tysdag og onsdag.

– Det har gått stong ut. Vi har rota det til, og så kom Luca-saka (der Luca Paolini vart avslørt for doping, red.anm). Så det har ikkje vore optimalt, nei, seier Kristoff.

Det var på dei første dagane av Touren at Alex og Edvald skulle kjempe om etappesigrar og grøn trøye – kanskje til og med få låne den gule.

Men det har dei ikkje vore i nærleiken av.

Ni etappar er ferdige. Ein fjerdeplass og tre femteplassar er det beste dei to nordmennene har oppnådd. Manglande opptrekk, for tidlege og for seine spurtstartar, kjedeproblem, masseveltar, sidevind – det er mange forklaringar om stong ut og små marginar.

Lang uhell-liste

Lista over uhell og feilvurderingar på dei første etappane er lang:

Gabriel Rasch

TRUDDE PÅ ETAPPESIGER: Gabriel Rasch hadde tru på minst ein norsk etappesiger første Tour-veka, og blir skuffa om det ikkje blir norsk etappesiger i år

Foto: Lauten, Daniel Sannum / NTB scanpix

– Alex vil så veldig gjerne, og det verker som om han derfor gjer ting litt annleis enn då han vann mange ritt tidlegare i år, seier Gabriel Rasch.

Overraska over endra opplegg

– Er du overraska over at Kristoff prøver på andre opplegg no enn då han vann mange ritt og var på topp i vår?

– Ja, litt. Han må nok prøve å gjere det same som han har gjort heile tida. Men samstundes er det klart at han også har vore uheldig.

– Det er eg ikkje samd i. Eg har prøvd å gjere det same, men var for tidleg på den eine fordi eg ikkje hadde folk rundt meg, og for sein på den andre fordi eg var innesperra, svarer Kristoff.

– Seks eller åtte etappesigrar

Alexander Kristoff – med alle sigrane sine frå forsesongen – kunne vinne sju-åtte etappar i årets Tour, sa optimistane. Kanskje seks, meinte han sjølv. Det omfattar 13. og 15. etappe, i tillegg til den siste.

– Eg har sjansar på alle tre, men den største er på den siste, seier Kristoff til NRK.

– Om Tour de France blir avslutta utan norsk etappesiger, er det skuffande. Det trur eg både Alex og Edvald er samde i også, seier Gabriel Rasch.

Siste nytt

  • Nytt norsk overgangsvindu i juni

    På grunn av koronasituasjonen har Norges Fotballforbund fått aksept fra Fifa for et nytt overgangsvindu før sesongen i perioden 10.-30. juni. Det skriver NFF på sine hjemmesider. Datoene er valgt for å ta hensyn til den splittede seriestarten i Eliteserien, Toppserien og 1. divisjon menn.

    Eliteserien fotball 2019, Molde - Bodø/Glimt.
    Foto: Svein Ove Ekornesvåg / Svein Ove Ekornesvåg
  • Utvalg skal vurdere sak mot Hansen

    Et utvalg nedsatt av styret i Norges Cykleforbund skal vurdere om det er grunnlag for å anmelde tidligere sykkelpresident Harald Tiedemann Hansen, skriver VG. Hansen var også leder for sykkel-VM i Bergen, som gikk konkurs. Nå skal det vurderes nærmere om han har brutt idrettens regelverk.

    Harald Tiedemann Hansen
    Foto: Terje Pedersen / NTB scanpix
  • Flere endringer i Ski Classics

    Ski Classics innfører en Grand Slam-ordning der målet er å vinne de fire største rennene, eller «The Grand Classics», som arrangøren selv kaller det i en pressemelding. Disse fire er: Marcialonga, Jizerska, Vasaloppet og Birken. Ingen har foreløpig vunnet alle rennene i samme sesong. Arrangøren varsler også en rekordstor premiepott, men summene annonseres ikke før til høsten.

    Gjeitnes
    Foto: Mario Facchini / newspower,it

Sendeplan

Kl. Program Kanal