NRK Meny
Normal

Skuffande norsk bryte-VM: – Vi må halde fram med å sveitte blod

Fem deltakarar som alle blei slått ut lenge før medaljekampen tok til. Det blei resultatmessig eit trist bryte-VM for Norge.

Grace Bullen tapte sin kvalifiseringskamp i bryte VM.

ACTION: Det er full fart når Grace Bullen bryt. Men resultatmessig blei VM skuffande for Norge

– Vi er skuffa. Vi har ikkje fått dei resultata vi hadde trudd, oppsummerer generalsekretær Morten Sandnæs.

Berre ein av sju kampar har gitt norsk siger.

  • Felix Baldauf (98 kg), slått i åttedelsfinalen
  • Stig-André Berge (59 kg), slått i åttedelsfinalen
  • Grace Bullen (58 kg), slått i kvalifiseringa
  • Petter Karlsen (71 kg), slått i kvalifiseringa og i rekvalifiseringa
  • Iselin Moen Solheim (75 kg), slått i kvalifiseringa

Baldauf, Berge og Bullen var medaljehåp på førehand.

– Vi kom hit med tru på medaljer. Det har vi ikkje klart, derfor er vi skuffa, seier Sandnæs.

– Er det fiasko?

– Nei, eg vil ikkje bruke det ordet. Men marginane er små, og alle har gått imot oss. No skal vi heim og evaluere, seier han.

Lotta Andersson

TRÅKIGT: – Men det gir oss motivasjon til å jobbe vidare, seier trenar Lotta Andersson

Foto: Malin Jørnholt / NRK

– Forklaringa må vi kome tilbake til litt seinare. No skal vi evaluere, slå hovudet i veggen og starte på scratch. Det er tungt med slike resultat, men det er ikkje eit nederlag. Livet går vidare. Vi må gå vidare saman, og halde fram med å sveitte blod.

– «Tråkigt»

– Det har kanskje vore Norges nedtur, seier Bullens trenar Lotta Andersson.

– Det er «tråkigt», men samstundes er det slike meisterskap som gir motivasjon til å reise heim og jobbe knallhardt vidare. Totalt sett har vi hatt ein veldig god sesong.

Andersson seier Bullen har hatt ein veldig bra treningssesong, men at ho treng tid til å etablere seg på seniornivå. Det seier også Stig Andre Berge om Grace Bullen.

Grace Bullen har gjort det enormt godt på juniornivå og har gull frå sommar-OL for ungdom og bronse i Europaleikane i år.

– Action når Grace bryt

Grace Bullens kvalifiseringskamp i 58 kg-klassen blei den klart mest underhaldande for dei norske utøvarane. Bullen låg under 0-4, men snudde til 8–4. Så glapp det i slutten, og nokre sekund før slutt blei det 8–8. Ettersom motstandaren tok dei siste poenga, blei det tap for Bullen.

Skuffet Berge

MOTGANG: – Dette meisterskapet har gått litt imot oss. Men no skal vi evaluere, slå hovudet i veggen og starte på scratch

Foto: Henrik Myhr Nielsen / NRK

Stig-André Berge er likevel godt nøgd med Bullens kamp.

– Det er slik Grace bryt. Det er action, det skjer ting heile vegen.

– Grace blir stor i internasjonal bryting

– Grace fekk det ikkje til i første periode, men i andre viste ho kva ho kan. Så surra ho litt på slutten og tapte. Slik kan det dessverre gå i meisterskap. Ho er ung og utan erfaring frå store meisterskap, det kan ha litt å seie.

– Eg har sagt det før og seier det igjen: Grace kjem til å bli ein av dei verkeleg store i internasjonal bryting. Gi henne berre litt tid, seier Berge.

Bullen sjølv var ikkje veldig misnøgd.

– Vi hadde ein plan. Den følgde vi for det meste. Eg prøvde eit unødvendig forsøk 20 sekund før slutt, og då gjekk det gale.

– Eg må berre lære av det. No er eg ei VM-erfaring rikare, seier Bullen.

Siste nytt

  • Sagosen og PSG med dramatisk tap

    Sander Sagosen slet da Paris Saint-Germain i sluttminuttene tapte 28-29 mot hviterussiske Meshkov Brest i mesterligaen i håndball. Nordmannen hadde sjansen til å gi PSG ledelsen til 29-28, men i stedet ble Petar Djordjic matchvinner i motsatt ende.

    GERMANY HANDBALL CHAMPIONS LEAGUE THW Kiel vs Paris Saint Germain
    Foto: FOCKE STRANGMANN / Epa
  • Sparta sikret seriesølv

    Sparta har seriesølvet i ishockey i boks. Tabellnabo Lillehammer ble slått 4-3 etter forlengning. Lørenskog vant 5-2 over regjerende serie- og norgesmester Stavanger Oilers, mens tabellfirer Frisk Asker tapte 2-3 hjemme mot Stjernen etter forlengning.

    Eliteserien i ishockey: Storhamar - Sparta
    Foto: Fredrik Hagen / NTB scanpix
  • Liverpool herjet med West Ham

    Liverpool er oppe på andreplass på tabellen etter lørdagens nedsabling av West Ham. Scoringer av Emre Can, Roberto Firmino, Mohamed Salah og Sadio Mané gjorde at Michail Antonios nettkjenning ikke ble noe annet enn et trøstemål. Kampen endte 4-1.

    FBL-ENG-PR-LIVERPOOL-WEST HAM
    Foto: OLI SCARFF / AFP

Sendeplan

Kl. Program Kanal
Henrik Kristoffersen - fra Marikollen til Pyeongchang
OL-magasin