NRK Meny
Normal

– Oksygenmasker skal ikkje stå på ynskjelista til ein 12-åring

SJUSJØEN (NRK): Skipresident Erik Røste går hardt inn mot FIS for at dei skal forby all bruk av oksygenmasker.

Nye Star Wars-inspirerte masker med oksygentank på ryggen er finnenes nye våpen i langrennsporet.

VIL FORBY: Desse maskene bruka dei finske landslagsløparane på breen i Val Senales i haust. Neste år er det ikkje sikkert dei får gjort det same.

– Me vil gjere vårt for at det ikkje blir lovleg å bruke oksygenmaskene i konkurranse.

Skipresident Erik Røste er heilt klar. Dei siste dagane har NRK omtalt oksygenmaskene dei finske langrennsløparane har brukt på trening i haust. Finlands landslagstrenar, Reijo Jylhäe, seier at dei trur det kan bli aktuelt å bruke oksygenmasker under VM i Seefeld i 2019.

Det vil Norges skiforbund at FIS skal sette ein stoppar for.

Alt er opp til WADA

– Slike masker er kunstige og dette handlar om etikk og verdiar. Me ynskjer ikkje at toppidretten skal fjerne seg meir enn nødvendig frå det barn og unge kan halde på med. Me ynskjer ikkje at oksygenmasker skal stå på ynskjelista til ein 12-åring, forklarer Røste.

LES SAKA: Skiskytterne reagerer: – Tror bilde av idretten vår blir ødelagt

Han fortel at forbundet tok kontakt med FIS denne veka for å klargjere kva Skiforbundet meiner.

– Me var veldig tydelege på at dette ynskjer me ikkje å sjå i konkurranse. FIS hadde alt tatt kontakt med WADA og ville jobbe opp mot WADA for eit forbod. Det er dei som bestemmer reglane.

Røste

KUNSTIG: Skipresident Erik Røste meiner oksygenmasker ikkje har noko i langrennssporten å gjere.

Foto: Nesvold, Jon Olav / NTB scanpix

Kan bli forbode alt i år

Generalsekretær i FIS, Sarah Lewis, seier at også dei jobbar hardt for å få eit forbod.

– WADA har sagt ja til å inkludere dette i det neste møte sitt. Me veit ikkje ennå om det vil bli ein spesifikk regel for skisport eller for all idrett, seier Lewis.

Sarah Lewis

VIL FORBY: Generalsekretær i FIS, Sarah Lewis, seier at det kan bli forbod mot oksygenmasker alt denne vinteren.

Foto: Pedersen, Terje / NTB scanpix

– Når kan ein slik lov tre i kraft?

–Det kjem an på kva WADA bestemmer og om dei har moglegheit til å oppdatere lista i løpet av året. Vanlegvis gjer dei berre det ein gong i året, men i utgangspunktet kan det kome eit forbod alt denne sesongen.

Norske utøvarar har uansett ikkje lov til å bruke oksygenmasker, sjølv om FIS og WADA skulle bestemme seg for å halde fram med dagens regelverk.

– Ingen norske utøvarar kan bruke oksygenmasker på trening, presiserer Erik Røste.

Oksygenmasker blei forbode samtidig som idrettstinget vedtok å forby høgdehus i 2003. Forbodet var oppe til ny vurdering i fjor, men tinget vedtok då å halde fram med forbodet.

Norges skiforbund mener oksygenmasker i langrenn må forbys. Derfor ber de nå det internasjonale forbundet om å jobbe for at slike masker skal være ulovlig.

Siste nytt

Sendeplan

Kl. Program Kanal
EM feltritt: Sprangridning
EM feltritt: Sprangridning
EM feltritt: Sprangridning
Friidrett: Diamond League fra Birmingham
Friidrett: Diamond League
Friidrett: Diamond League
4-4-2 Radiosporten
4-4-2 Radiosporten
Radiosporten følger den 20.runden av Eliteserien
4-4-2 Radiosporten
4-4-2 Radiosporten