NRK Meny
Normal

Sundby smelte til i prologen: – Kjempeflaks

– Eg trefte både med sporval og ski, sa Martin Johnsrud Sundby etter sin sensasjonelt gode prolog på den klassiske sprinten i Ruka.

Martin Johnsrud Sundby endte opp med tredje beste tid etter prologen i Kuusamo.

KJEMPEFLAKS: - Vi kan konkludere med at trening funkar, slo Martin Johnsrud Sundby etter prologen

Utslagsrundane tek til klokka 12.15 og blir streama direkte.

– Kjempeflaks. Det var ein bra prolog. Vi kan konkludere med at trening funkar, sa Sundby til NRK.

Der har han tidlegare ein 62.-plass som best. I dag vart han nummer tre.

– Dette har eg aldri vore med på før, no kan eg velje heatheat. Alt herfrå er eigentleg ein bonus no. Eg har minimert tapet av sekund, så dette er veldig bra. Eg skal gjere det eg kan i kvarten også, sa han.

Ni nordmenn vidare

Martin Johnsrud Sundby

HEILT RÅTT: Martin Johnsrud Sundby var ikkje løyvd serleg store sjansar på sprinten. Men han var tredje best i prologen

Foto: Anders Skjerdingstad / NRK

For Sundby var sensasjonen då verdscupsesongen og minitouren vart innleia i Finland i dag. NRKs ekspert Fredrik Aukland var ein av mange som meinte at Sundby ville slite med å kome seg til kvartfinalen.

Ni nordmenn var blant dei 30 som får starte i kvartfinalene. Pål Golberg og Sondre Turvoll Fossli var dei to raskaste.

– Martin Johnsrud Sundby og Therese Johaug er mine favorittar i minitouren, men ingen av dei kjem til å vere heilt i teten i dag, sa Fredrik Aukland før langrennsstarten.

NRK-eksperten er på plass i løypene i finske Ruka rett før verdscupsesongen tek til med minitour, der klassisk sprint står på programmet den første dagen.

Det er duellane mellom Sundby og Petter Northug på herresida, og Therese Johaug og Charlotte Kalla på kvinnesida, som står i fokus denne første helga.

Spent på samanlagt-favorittane

Utover dagens resultatliste går spenninga på kor langt samanlagfavorittane vil nå.

– Martin vil neppe kome særleg langt på ein klassisk sprint. Derfor blir løpet svært viktig for Petter, som må skaffe seg eit så stort forsprang som mogeleg på Martin. Martin var rå på Beitostølen, og vil slå knallhardt tilbake laurdag og søndag, var Auklands spådom før rennet starta.

Han trur på norsk siger, men det finst utanlandske utfordrarar. – Dario Cologna og Aleksandr Legkov er to mann eg er svært spent på, seier Aukland.

Men i prologen skuffa begge, og ingen av dei kom seg vidare.

Sundby går for sjette strake

I kvinneklassa ventar han at både Therese Johaug og Charlotte Kalla kjem minst til kvartfinalen.

– Eg er veldig spent på kva Kalla kan vise fram i dag, seier han.

Sundby har vunne dei fem siste tourane i v-cupen, og går for sin sjette.

– For meg er han den største favoritten uansett, seier Aukland.

Siste nytt

  • Pirrone vant junior-gull i VM

    Elena Pirrone fra Italia vant kvinnenes fellesstart for junior i sykkel-VM fredag. Danske Cecilie Norsgaard Jørgensen sikret VM-sølvet, mens Letizia Paternoster fra Italia tok bronsen. De norske jentene greide ikke å hevde seg i fellesstarten.

    Thale Bjerke var den som hang best med, men hun mistet kjedet med rundt 25 kilometer igjen. Hun endte på 31.-plass med 4.12 minutter opp til vinneren.

    Elena Pirrone
    Foto: Cornelius Poppe / NTB scanpix

Sendeplan

Kl. Program Kanal
VM sykkel
VM sykkel
VM sykkel
VM sykkel
VM sykkel
VM-kveld
VM-kveld sykkel-VM
VM-kveld