Seks grunnar til at Island er EMs kulaste lag

1. Dei har ein MGP-regissør i mål ...

For fire år sidan bestemte Hannes Haldorsson seg for å satse fotball på heiltid. No er han i EM.

34-åringen blei etterkvart henta av Brann, og seinare signerte han kontrakt med Sandnes/Ulf.

Det innebar at han måtte legge filmregissør-karriera på is. Haldorsson regisserte musikkvideoen til Islands Melodi Grand Prix-låt i 2012.

Men han har ikkje gløymt gamle kunstar.

Seinast før VM i 2014 laga han ein reklamefilm der både han og fleire av landslagskameratane var med.

2. ... Og dei har ein tannlege-assistent på sidelinja

Det er truleg bare Island som har ein tannlege som også er fotball-landslagets assistenttrenar.

Så seint som i 2013 jobba Heimir Halgrimsson som tannlege frå åtte til tre, før han fortsette dagen som trenar for eliteserieklubben Íþróttabandalag Vestmannaeyjas kvinner og menn.

– Eg jobba heile dagen. Då eg fekk landslagsjobben måtte eg trappe ned. I år har det nesten ikkje blitt tid til å vere tannlege.. Det blir kanskje anledning ein dag i veka, seuer Halgrimsson til ESPN.

3. Dei er hardhausar. Bare spør David James

​I konkurransen «Verdas sterkaste mann» har Island 17 medaljar. Bare USA har fleire.

På island må ein spele fotball i stiv kuling, snø og høljregn. Slikt vert ein tøff av, og det islandske landslaget vert ofte omtala nettopp som tøffe.

På tampen av karriera spelte den tidlegare England-keeperen David James under same type forhold etter å ha signert for Íþróttabandalag Vestmannaeyjas, og han lot seg fascinere av værforholda.

– På grunn av været er alt så uforutsigbart. Vi veit for eksempel aldri om vi kan trene ute eller om vi reise ein annan stad. Alle er vant til å bare kaste seg på ferga og reise dersom været skiftar, sa James til NRK.

4. Dei får ikkje-stjerner til å spele som stjerner

Island har tatt seg til EM med fleire spelarar som herjar midtsjiktet i den norske eliteserien, som desse:

• Ingvar Jónsson, som spelar for Sandefjord i norsk førstedivisjon
• Hannes Haldorsson, som for tida er på utlån til Bodø/Glimt

Når Sandefjord-keeper Ingvar Jonsson ikkje sit på benken for landslaget mot Cristiano Ronaldo og Portugal, speler han på arenaer som Levermyr (Jerv), Remyra stadion (Levanger) og Myrdal stadion (Åsane).

5. Ti prosent av landets befolkning reiser til EM

Ein reknar med at ca. 33.000 av dei totalt 330.000 innbyggarane på Island tar turen til Frankrike for å sjå landslaget spele fotball. I kveld er flesteparten samla i St.Etienne rett sør for Lyon.

– Vi lever draumen. Det har alltid vore ein draum å få oppleve eit meisterskap med Island. Og nå er vi her. Saman med halve Island ser det ut til. Vi sender bilder hjem til familien på Island, dei er nærmast deprimert over at dei ikkje kan vere her, seier Andri Blöndal.

Islendingane er ikkje redde for å gjere seg bort på Europas største scene.

– I kveld vil vi skape ein sensasjon. Naturligvis har dei Ronaldo, men han må gjerne spele dårleg berre i denne kampen. Når Island spelar kan alt skje, berre vent og sjå. Sjølvsagt vinn vi, seier Bylgja Olfasdottir.

Det er ingen tvil om at islendingane reiser mannsterke.

– Eg er her med faren min, onkelen min og 18 av vennene våre, fortel Birkir Olafsson.

Dersom ti prosent av Sveriges befolkning hadde reist til EM ville det utgjort litt under ein million blågule fotballturistar.

Ti prosent av Norges befolkning er ca. ein halv million menneske.

6. Dei er og blir kjempefå

Det er jo heilt utruleg at Island er i EM.

Norge har totalt ca. 375.000 mannlege og kvinnelege fotballspelarar.

Til samanlikning har EM-nasjonen Island kun ca. 20.000

Det er ca. 15.000 færre enn i Hordaland fotballkrets og ca. 12.000 færre enn i Rogaland fotballkrets.