Ronaldo-siger i dramatisk debut – skada Chievo-keeperen og fekk annullert mål

Cristiano Ronaldo måtte gå mållaus av bana i Juventus-debuten, men «den gamle dama» vann til slutt etter ei høgdramatisk avslutning på kampen.

Italy Soccer Serie A

SIGER I DEBUT: 33 år gamle Cristiano Ronaldo, kåra til verdas beste fotballspelar tre gonger.

Foto: Antonio Calanni / AP

Laster innhold, vennligst vent..

Stillinga var 2–2 då Ronaldo kolliderte med Chievo-keeper Stefano Sorrentino i det 87. minutt.

Portugisaren var også på ballen med handa i den same situasjonen.

Ballen gjekk vidare til Mario Mandzukic, som heada han så vidt over mållinja.

Men så valde dommaren å nytte seg av VAR (videoassistert dømming) og annullerte etter mykje om og men scoringa – truleg grunna duellen mellom Ronaldo og Sorrentino.

Italy Soccer Serie A

Chievo-keeper Stefano Sorrentino måtte bytast ut etter smellen han fekk med Juventus-debutant Cristiano Ronaldo.

Foto: Antonio Calanni / AP

Avgjorde på overtid

Samtidig måtte Sorrentino bytast ut grunna smellen han fekk.

Likevel tok Juventus med seg alle poenga frå Chievo. Federico Bernardeschi scora tre minutt på overtid. Alex Sandro stod for den målgjevande pasninga.

Ifølgje livescore.com hadde Juventus ballen 74 prosent av tida i den spennande serieopninga.

SOCCER-ITALY-CHI-JUV/

Leonardo Bonucci var tilbake i Juventus-forsvaret etter ein sesong i AC Milan.

Foto: ALBERTO LINGRIA / Reuters

Khedira med tidleg mål

Sigeren til «den gamle dama» sat altså langt inne. Men Juventus opna godt då tyske Sami Khedira sette inn 1–0 allereie i det tredje minutt.

Chievo gav seg derimot ikkje. Emanuele Giaccherini utlikna på straffe i det 38. minutt, før Emanuele Giaccherini sende gultrøyene opp i ei overraskande leiing ti minutt etter pause.

Juventus utlikna då Mattia Bani sette ballen i eige mål kvarteret før slutt, pressa fram av den «heimvende» forsvarsspelaren Leonardo Bonucci – før det altså vart ei svært dramatisk avslutning på Stadio M. A. Bentegodi.

Veteranen stod i vegen

Kva så med Ronaldo sitt spel elles?

Han viste tidvis fleire fine detaljar og kom også til nokre gode sjansar. Men den 39 år gamle Chievo-keeperen Stefano Sorrentino stod gong etter gong i vegen for den perfekte Ronaldo-debuten.

– Cristiano leverte ein god debut. Det er synd han ikkje scora, men samhandlinga med dei andre var god etter berre sju dagar i klubben, sa trener Massimiliano Allegri etter kampen ifølgje NTB.

Den snart 33 år gamle Cristiano Ronaldo starta kampen som spiss, men vart sendt ut på venstrevingen då Mandzukic kom på bana i det 64. minutt.

PS. At Ronaldo debuterte i italiensk fotball hadde nok sitt å seie for at Stadio M. A. Bentegodi var utselt. 39.000 tilskodarar er meir enn det doble av det gjennomsnittlege tilskodartalet på denne bana, ifølgje BBC.

FBL-ITA-SERIEA-CHIEVO-JUVENTUS

Cristiano Ronaldo og kaptein Giorgio Chiellini kunne juble for tre poeng.

Foto: ALBERTO PIZZOLI / AFP

Siste nytt

  • - Suarez på veg til Atletico

    Barcelonas spiss Luis Suarez er samd med Atletico Madrid om overgang, melder spanske media måndag.

    33-åringen har fått beskjed av Barcelonas nye trenar Ronald Koeman om at han ikkje har noko framtid i klubben, som han har eitt år att av kontrakten med.

    Avisa Mundo Deportivo skriv at Suarez truleg vil signere toårskontrakt med Atletico.

    Inntil nyleg verka det som om Suarez var på veg til Juventus, men den handelen gjekk i vasken i førre veke.

    Suarez har scora 198 mål på 283 kampar for Barcelona i løpet av seks år i klubben.

  • Halep vann i Roma

    Simona Halep vann WTA-turneringa i Roma i dag. Kampen mot Karolína Plísková varte berre i ein dryg time. Rumenske Halep var heilt overlegen, og vann det første settet 6–0. Det var tydeleg at Pliskova sleit og tre minuttar ut i det andre settet gav ho seg på grunn av skade.

    z0_PYate3Cc
    Foto: RICCARDO ANTIMIANI / AFP
  • Sørloth på medisinsk test

    Alexander Sørloth skal visstnok gjennom den medisinske testen i RB Leipzig i dag. Det skriv Lokalavisa Leipziger Volkszeitung. Sørloth har ikkje vore involvert i Trabzonspor sin sesongopning, og han skal visstnok ha vore i Tyskland dei siste dagane. Fleire tyske og tyrkiske medium melder at overgangssummen kan ende på om lag 260 millionar kroner. Det vil gjere han til tidenes dyraste norske spelar.

    Sd_TEEv6N5Y
    Foto: DARRIN ZAMMIT LUPI / Reuters

Sendeplan

Kl. Program Kanal