Hopp til innhold

Reagerer på endring av verdscupprogrammet: – Det er litt småfeigt

Ei ny øving skulle testast ut under verdscupavslutninga i Holmenkollen. No har det internasjonale skiskyttarforbundet snudd. Feigt, meiner Vetle Sjåstad Christiansen.

Skiskyting singel mixed stafett, verdenscup Pokljuka

KRITISK: Vetle Sjåstad Christiansen ville gjerne gått supersprint i Holmenkollen.

Foto: Berit Roald / NTB scanpix

– Eg kan ikkje heilt skjønne at dei vel å droppe ut no. Det synest eg er litt småfeigt, eg må ærleg innrømme det, seier Vetle Sjåstad Christiansen til NRK.

Verdscupavslutninga i skiskyting kommande sesong skulle nemleg innehalde ei heilt ny øving: Supersprint. Tysdag kom kontrameldinga om at det likevel ikkje blir supersprint i Holmenkollen.

– Vi hadde fått ganske gode tilbakemeldingar på at det kom til å bli ein supersprint, og vi var ikkje akkurat negative vi utøvarane heller. Eg synest det er litt rart at dei ikkje vel å gjere skiskytinga endå meir spennande, seier Christiansen.

– Vi har eit aldrande publikum

Det er rett nok ikkje alle som er like ivrige på at supersprinten skal innførast i verdscupavslutninga.

Finland Biathlon Pursuit

VERDSCUPVINNAR: Johannes Thingnes Bø vann verdscupen med to poeng i vinter. Det er ikkje sikkert han hadde vunne om supersprinten var på programmet.

Foto: Jussi Nukari / AP

– Ideelt sett skulle eg ønskje dei hadde lagt den (supersprinten) til opningshelga i Finland og køyrt konkurransen utan verdscuppoeng. Og så sett korleis øvinga i løpet av eit par år påverka totalen i verdscupen, sa Johannes Thingnes Bø, som har vunne verdscupen dei to siste åra, då terminlista kom i april.

Konkurranseforma har vore prøvd ut i IBU-cup (nivået under verdscup) tidlegare, men altså ikkje på det øvste nivået.

– Vi har eit aldrande publikum i skiskyting, det er flest eldre som ser på, så eg trur det hadde vore bra å få inn ei ny og spennande øving for å fange eit yngre publikum. Det trur eg hadde vore det rette å gjere, seier Christiansen.

IBU: – Supersprinten kjem

No går øvinga ut frå programmet. Avgjerda er teken etter at det internasjonale skiskyttarforbundet (IBU) har hatt samtalar med utøvarkomiteen.

Tore Bøygard, IBU

STYREMEDLEM: Tore Bøygard i IBU.

Foto: Benjamin Bakken / NRK

– No har teknisk komite og IBU lytta til komiteen frå utøvarane, og det er grunngivinga. Det er ikkje uvanleg at ei terminliste blir endra på etter at ho har vore ute på høyring, seier styremedlem i IBU, Tore Bøygard.

Christiansen forstår kvifor nokon av dei beste utøvarane er skeptiske. Ei slik øving vil truleg føre til fleire stavbrekk, meir fall og meir dramatikk.

– Eg trur dei er redd for at ei så tett og jamn øving skal vere med å påverke verdscupen samanlagt. Eit lite stavbrekk kan vere med å påverke mykje av sesongen, seier han.

Bøygard er usamd i at avgjerda er feig.

– Eg ville ikkje brukt ordet feigt. Supersprinten kjem, og det er ei øving som kjem til å bli både spennande og vanskeleg å vinne framover. Det kjem nok an på kva utøvar ein spør, så vil ein nok få ulike svar. Eg har jo registrert at Johannes Thingnes Bø ikkje var veldig glad for denne øvinga, seier Bøygard.

Sportsnyheter

Eliteserien fotball 2022: Lillestrøm-Vålerenga (2-0)

Fansen roper «Fagermo ut» – treneren frykter ikke sparken

Vålerenga håpet å snu en vond trend i hatoppgjøret mot Lillestrøm, men i stedet ble avstanden opp til rivalen 13 poeng. Vålerenga-kaptein Jonatan Tollås Nation har likevel tillit til trener Dag-Eilev Fagermo.

Siste nytt

  • Zlatan: – Aldri lidd så mye på og utenfor banen

    Fotballhverdagen har vært ekstra tøff for Zlatan Ibrahimovic det siste halvåret. Smerter i kneet har skapt problemer for den svenske Milan-stjernen.

    – I seks måneder har jeg knapt sovet på grunn av smertene. Jeg har aldri lidd så mye på og utenfor banen, skriver Ibrahimovic åpenhjertig på Instagram.

    40-åringen har slitt med kneet i lengre tid og har ikke spilt fra start siden 17. januar.

    – I de siste seks månedene har jeg spilt uten et korsbånd i mitt venstre kne. Et hovent kne i seks måneder. Jeg har kun trent med laget ti ganger de siste månedene, uttaler svensken.

    – Jeg har tatt 20 injeksjoner i kneet. Jeg har tømt kneet én gang i uka i seks måneder og tatt smertestillende hver dag i seks måneder, fortsetter han. (NTB)

    Italy Soccer Serie A
    Foto: Spada / AP
  • Fagermo inviterer supporterne til prat

    Dag-Eilev Fagermo og Klanen inviterer til en prat med hovedtreneren etter en periode med lite poeng og murring blant egne supportere.

    – Økta starter 12.00 og sjefen gjør seg tilgjengelig på Østblokka der det er høyt under taket, skriver klubben på Twitter.

    Vålerenga har ikke vunnet på de fire siste kampene og har bare 10 poeng så langt denne sesongen. Opp til erkerivalen og serieleder Lillestrøm, som de tapte 2–0 mot onsdag, er det hele 13 poeng.

    Eliteserien fotball 2022: Lillestrøm-Vålerenga (2-0)
    Foto: Håkon Mosvold Larsen / NTB
  • Kasper Fosser vant verdenscupsprinten i Borås

    Fosser var sterkest i sesongåpningen for orientererne og vant verdenscupsprinten i Borås torsdag. Heming-løperen vant verdenscupen sammenlagt i fjor og kunne ikke fått en bedre start på forsvaret av tittelen.

    23-åringen vant seks sekunder foran Tim Robertson fra New Zealand. Belgiske Yannick Michiels fulgte på tredjeplass.

    Nest beste nordmann var Lukas Liland på 11.-plass. De resterende nordmennene havnet langt bak.

    Sweden World Cup Orienteering
    Foto: Nisse Schmidt / AP

Sendeplan

Kl. Program Kanal
Spilleliste med 39 klipp
Sport
Spiller nå
Haalands karriere fra A til NÅ 03:44
Neste