Trur på største publikumstal sidan Eliteserien

Stikk i strid med resten av landet samlar Høddvoll straks 1/4 av innbyggjartalet i Ulsteinvik. Mot Ranheim 16. mai går det mot beste publikumstal sidan Eliteseriesesongen i 1995.

Hødd-ledelsen

Hødd-leiinga var i ekstase etter sigeren over Brann i cupsemifinalen i fjor. Mot Brann var Høddvoll fylt til randa. 16. mai håper dei på største publikum sidan Eliteseriesesongen i 1995, medan dei går for utselt mot Molde 29. mai. På bildet ser ein, f.v., Lars-Petter Rønnestad, Sindre Eid, Tom Vågen, André Nevstad, Per Arve Moldskred.

Foto: Ivar Lid Riise / NRK

– Det som har skjedd er heilt fantastisk!

Lars Petter Rønnestad er akkurat tilbake for fullt, etter pappaperm, i Hødd-administrasjonen. Éi av oppgåvene er heimekampane, og på Høddvoll er det lyse tider.

Heilt ny stadion, Europacup på gamle-Høddvoll, men ikkje minst er publikumstalet svært, svært høgt.

Erik Sandal

Her takkar Hødd-spelar Erik Sandal publikum etter ein Hødd-kamp.

Foto: Ekornesvåg, Svein Ove / NTB scanpix

Må tilbake til '95

Mot HamKam og Stabæk i dei to første heimekampane tok 1500 menneske turen til Høddvoll. I tredje heimekamp, mot Kongsvinger, var talet nesten oppe i 1750. Det var det beste publikumstalet på Høddvoll sidan 2001.

I fjerde heimekamp, 16. mai mot Ranheim, håper ein på over 2000 tilskodarar.

– Vi forventar folkefest her på Høddvoll. Forhåpentlegvis passerer vi 2000 i ein ligakamp, noko som ikkje har skjedd sidan Hødd var i Tippeligaen i 1995, fortel Rønnestad.

I Ulsteinvik er innbyggjartalet nesten 8000.

– Kva tenkjer du om at Hødd kan generere eit publikumstal som er 1/4 av innbyggjartalet i kommunen?

– Det viser vel litt av interessa rundt Hødd. Det har skjedd mykje rundt Hødd etter at vi vann cupfinalen. Vi har selt nesten dobbelt så mange sesongkort som i fjor, og stemninga på Høddvoll er fantastisk.

– Sunnmøringane har hjarte for fotballen

Lars-Petter Rønnestad

Lars Petter Rønnestad meiner det sunnmørske publikum er genuint fotballinteressert.

Foto: Arne Flatin

Slike publikumstal er stikk i strid med det som går føre seg på fotballstadion i resten av landet. Norske fotballkampar er mindre besøkt enn tidlegare.

Nabo og rival til Hødd, Aalesund, er blant dei få som òg kan skilte med gode publikumstal i toppfotballen – trass i nedgang.

Likevel kan dei vise til over 9- og 10.000 tilskodarar på ulike heimekampar i år.

– Er det noko spesielt med Sunnmøre?

– Ja, ein ser vel at mange av klubbane i lågare divisjonar i området òg trekk godt med publikum. Det er ingen tvil om at sunnmøringane har hjarte for fotballen og er flinke til å støtte dei lokale laga.

– Det er eit genuint interessert publikum, meiner Rønnestad, som ikkje vil uttale seg om kva andre klubbar eventuelt bør gjere annleis.

Saka held fram under bildet.

cup/serie

I 3. runde av NM møter cupmeisteren seriemeisteren på Høddvoll.

Foto: NRK

Trur på stappfull cupkamp

Eit anna lag som òg har gode tal på heimekampane sine er seriemeister Molde. Det har likevel vore fallande etter den dårlege seriestarten.

29. mai kan det derimot bli fullsette tribunar for Molde, då på Høddvoll i 3. runde av cupen.

– Det opne salet har starta no, og det går svært bra, kan Rønnestad melde.

Sist Hødd spelte cupkamp på heimebane var det semifinale mot Brann. Då blei den eigentlege makskapasiteten, 4.433 plassar, tidleg utselt. Etter ei utviding med ekstratribunar møtte heile 6.261, heilt fullt.

– Det blir nok utselt til Molde-kampen òg. Vi har plass til 4.433 tilskodarar, og stadion skal fyllast, avsluttar Hødd sin arrangementsansvarlege.

Siste nytt

  • West Ham til femteplass

    West Ham slo Leeds 2-0 og kleiv til femteplass på tabellen. Jesse Lingard og Craig Dawson scora måla i løpet av seks minutt midt i første omgang.

    Leeds fekk to mål annullert tidleg i kampen, og er nummer 11 i Premier League.

    Craig Dawson
    Foto: Ian Walton / AP
  • Marek Hamsík klar for svensk klubb

    Fotballstjernen Marek Hamsík er klar for IFK Göteborg. Det melder klubben og blir gjengitt av blant annet SVT.

    – Det er ikke hver dag at en svensk klubb får en slik mulighet, sier sportssjef Pontus Farnerud.

    Han legger til at Hamsik ikke har tatt turen til Göteborg for pengenes skyld, men at han er der for å prestere. Det blir understreket av slovaken selv.

    – Jeg vet ikke mye om Allsvenskan og jeg må tilpasse meg veldig raskt. Jeg er her for å gjøre mitt beste for klubben, sa Marek Hamsík på en pressekonferanse.

    Men det har ikke blitt lagt skjul på at overgangen delvis skyldes at Hamsik vil representere en europeisk klubb før sommerens EM.

    Hamsik spilte over 400 kamper for Napoli og var lenge kaptein i klubben. Han har de siste årene spilt fotball i Kina, men er nå klar for Sverige.

    Marek Hamsik
    Foto: CIRO DE LUCA / Reuters
  • Fossum avgjorde på overtid

    Iver Fossum scoret kampens eneste mål på straffespark da Aalborg slo Sønderjyske 1-0 i dansk fotball mandag.

    Dermed klatret Jylland-klubben til åttendeplass i den danske superligaen. Mandagens motstander Sønderjyske har samme antall poeng, men er foran på bedre målforskjell.

    Matchvinnerscoringen var Fossums sjuende i ligaen denne sesongen.

    På sidelinjen kunne tidligere Sandefjord-trener Marti Cifuentes juble for sin første seier for Aalborg etter at han overtok treneransvaret i klubben.

    Iver Fossum
    Foto: Fredrik Hagen / NTB

Sendeplan

Kl. Program Kanal