Hopp til innhold

OL-skyttaren vart skotredd: – Du kvir deg for smellet

Henrik Larsen har delteke i OL og er ein av verdas beste med finkaliber- og luftrifle. Likevel er han langt frå i esset sitt under Landsskyttarstemnet denne veka.

OL-klare skyttere

LANGT IFRÅ: Henrik Larsen kvir seg når han skal skyte med grovkaliber-våpen.

Foto: Terje Pedersen / NTB

– Du kvir deg for rekylen og smellet, sjølv om det ikkje er farleg. Det sit oppi hovudet. Det sit eitt eller anna oppi hovudet som fortel at dette er farleg og gjer vondt, men det gjer ikkje det, seier Larsen.

Sist sommar enda 24-åringen på 9.-plass og akkurat utanfor finalen i rifle heilmatch i OL. I Tokyo leidde han lenge kvalifiseringa lenge, men under Landsskyttarstemnet (LS) denne veka er Larsen meir som listefyll å rekne.

Sommer-OL i Tokyo 2021

KLAFFA IKKJE: Henrik Larsen måtte følgje finalen i rifle heilmatch i OL frå tribunen.

Foto: Heiko Junge / NTB

Larsen enda med 228 poeng av 250 moglege på den innleiande baneskytinga i LS. Han meiner sjølv han på sitt beste er god nok for 240, som likevel er eit godt stykke opp til plass i kongelaget. I førre landsskyttarstemne i 2019 måtte ein ha 245 poeng for å få ein av dei 15 plassane.

– Det høyrest jo veldig rart ut. Vi trenar vel 25 timar i veka og skyt på ein blink, og derfor er det litt rart at eg ikkje klarer å trekkje av i midten her.

Ulike våpen

Det er nemleg stor forskjell på våpenet Larsen bruker til vanleg, og det han bruker under LS. I OL bruker han eit lettare finkaliber-våpen, medan det i LS blir brukt våpen for grovare kaliber (6,5-kaliber). Det gir eit større smell og meir rekyl (våpenets rørsle bakover etter avtrekk). I tillegg er sjølve avtrekket vesentleg tyngre.

– Når eg kjem hit og skal skyte grovt, kvir eg meg for å komme inn i blinken. Det er jo ikkje slik ein skal skyte. Ein skal vere avslappa når ein skyt, seier Larsen til NRK.

– Eg blir blinkredd. Eg kan stå og sikte i vollen, eller i eit kratt ved sida av skivene, og då går det heilt fint å trekkje av utan problem. Men med ein gong det svarte merket kjem inn i forsiktet, då er det eitt eller anna ein tullar med, som gjer at ein ikkje klarer å trekkje av midt i. Då blir det ikkje mykje poeng.

Sambuaren Jeanette Hegg Duestad er til liks med Larsen ein av verdas beste med finkaliber-rifle. Ho deltok òg i OL sist sommar.

Men i motsetning til Larsen er Duestad òg habil med grovare kaliber, og ho er ein av dei store favorittane til å stikke av med kongepokalen.

– Eg har klart å halde den 6,5-skytinga litt meir ved like kvart år. Så eg er vel ganske heldig som klarer å takle den overgangen ganske lett, seier ho.

Jeanette Hegg Duestad og Henrik Larsen

SAMBUARAR: Henrik Larsen diskuterte skytinga med sambuar Jeanette Hegg Duestad.

Foto: Oddvar Sagbakken Saanum / NRK

Voks opp med Landsskyttarstemnet

Larsen har ikkje alltid strevd like mykje med grovkaliber-skytinga. Som så mange andre norske skyttarar starta han skytelivet i eit skyttarlag under Det frivillige Skyttarvesenet (DFS), som arrangerer Landsskyttarstemnet. Allereie som 11-åring i 2009 var han med på sitt første LS i Evje.

På LS er det grovkaliber som gjeld, men i 2013, då han skulle starte som elev ved Noregs Toppidrettsgymnaset, la Larsen bort grovkalibervåpenet for å satse på luft- og matchskyting.

Skotredselen kom ikkje med ein gong. Året etter vart Larsen faktisk nummer to i juniorklassen i feltskyting under Landsskyttarstemnet i Sandnes.

– Men då eg kom mot hausten i 2015 igjen, kjende eg at det var eitt eller anna som var annleis. Då var eg ikkje like tøff på avtrekkjaren, og klarte ikkje å stå der og klemme, seier han.

– Det har vorte for lite grovkaliberskyting, og då har du vorte skotredd, rett og slett.

Les også Konkurrerer for første gang: – Det er smellene som er artig

En gutt ligger på magen og holder et gevær mens han smiler og ser inn i kamera.

Lunde: – Heile kroppen trekkjer seg saman

NRKs skyteekspert Ola Lunde seier det ikkje er uvanleg at skyttarar kan slite med å vere skotredde, men meiner det er merkeleg at ein så god skyttar skal slite så mykje.

OL-klare skyttere

MERKELEG: NRKs skyteekspert synest det er merkeleg at ein så god skyttar kan slite så mykje.

Foto: Terje Pedersen / NTB

– Det er noko som skjer med han. Han var ein veldig god rekrutt-skytar, og så plutseleg klarar han ikkje å dra i avtrekkjaren. Det er som heile kroppen trekkjer seg saman. Det resulterer i veldig dårleg skot.

– Kva trur du er grunnen?

– Poenget er at han ikkje har sett noko særleg på det. Hadde han lagt seg i knalltrening, og skote 10.000 skot med 65, så hadde han nok vorte ganske god på det han òg. Men han har valt å satse på internasjonal skyting.

PS! NRK sender frå Landsskyttarstemnet i Bodø tysdag, onsdag og torsdag. Sendinga tysdag startar klokka 15.

Les også Detaljene som skaper reaksjoner – mener gullvinneren bryter reglene

EMQrqHAXg6E

Siste nytt

  • Roma-spiller fikk medisinsk tilsyn - Serie A-kamp avbrutt

    Drøyt 70 minutter ut i kampen mellom Udinese og Roma satte midtstopper Evan Ndicka seg ned på gressmatta, uten at noen andre var i nærheten av Roma-forsvaren. Ndicka tok seg tydelig til brystet mens han lå nede.

    Like etter kom det medisinske apparatet inn på banen og Ndicka ble like etter fraktet ut av banen på båre. På vei ut av banen ga Roma-spilleren en tommel opp til en lagkamerat.

    Kampen ble avbrutt like etter og lagene gikk inn i garderoben. På det tidspunktet var stillingen 1-1 i søndagens kamp.

    Roma skriver i en oppdatering på X søndag kveld at Roma-laget har vært på besøk hos Ndicka på sykehuset, og at midtstopperen føler seg bedre. Ndicka vil holde seg på sykehuset for videre observasjon.

    Roma
    Foto: AP
  • Ødegaard så Arsenal tape fra benken - ga fra seg ligaledelsen

    Arsenal, Liverpool og Manchester City har fulgt hverandre tett i kampen om seriegullet i Premier League de siste ukene.

    Etter at Liverpool gikk på et overraskende 0-1-tap mot Crystal Palace tidligere søndag, var det Arsenals tittelhåp som fikk seg et skudd for baugen søndag kveld.

    Arsenal styrte lenge mot Aston Villa, hvor Martin Ødegaard spilte en sentral rolle. Drøyt ti minutter før slutt ble Ødegaard byttet ut og derfra fikk han se at det raknet for Arsenal.

    To scoringer fra Leon Bailey og Ollie Watkins i løpet av to og halvt minutt sørget for Unai Emerys Aston Villa tok en svært viktig seier i kampen om en topp fire-plass.

    Samtidig er det nå Manchester City som fører an i Premier League. Med seks runder igjen leder de regjerende mesterne med to poeng ned til Arsenal og Liverpool.

    Arsenal-manager Mikel Arteta sier til VG at Ødegaard «følte på noe» og at nordmannen derfor ikke kunne fortsette.

    Ødegaard
    Foto: Reuters
  • Hjemmespøkelset fortsatte for Vålerenga: – De er forhekset

    Nok en gang måtte tusenvis av Vålerenga-supportere se laget i sitt hjerte gå av banen uten seier. Søndag røk de 1-3 mot Stabæk i 1. divisjon.

    Sist Oslo-klubben vant på hjemmebane, var 17. september over Aalesund. Siden den gang har de spilt sju kamper uten seier.

    – Man må se litt bak resultatene, men så må vi prøve å vinne her snart, sa en oppgitt Vegar Eggen Hedenstad til TV 2.

    – Det er ikke sånn at vi tenker på statistikken. Vi gleder oss til kamp, fortsatte han.

    To scoringer på to minutter fra Kasper Pedersen var det som vippet søndagens oppgjør i Stabæks favør. Totalt mot spillets gang.

    – Det er fantastisk, det er en skikkelig god følelse, sa tomålsscoreren til TV 2.

    Vålerenga står dermed med bare én seier etter tre serierunder i 1. divisjon. Det i en sesong hvor kun opprykk er godt nok.

    Stabæk topper på sin side tabellen med sju av ni mulige poeng. (NTB)

    Vålerenga
    Foto: NTB

Sendeplan

Kl. Program Kanal