FEKTING: Park Sang-young frå Sør-Korea tok OL-gull i kårdefekting. 20-åringen vann den dramatiske finalen 15–14, over den ungarske veteranen Geza Imre.
FOTBALL, KVINNER: Melissa Tancredi scora begge måla då Canada slo Tyskland 2–1 i kvinnenes OL-turnering. Begge laga gjekk vidare, Tyskland på målforskjell. Elles spelte USA 2–2 mot Colombia, men etter to sigrar tidlegare heldt det til gruppesiger og avansement.
Sverige spelt 0–0 mot Kina, og møter USA i kvartfinalen fredag.
HANDBALL, HERRAR: Dei svenske handball-herrane var i føringa i store delar av kampen mot Egypt, men 15 sekund før slutt sette Egypt inn 26–25 scoringa. Svenskane fekk ein siste sjanse, men skaut rett i blokka. Sveriges andre strake tap i turneringa.
RUGBY: New Zealand var storfavoritt mot Japan i sjumannsrugby, men tapte overraskande 14–12. I går tapte dei damelaget deira for Australia i finalen.
SKYTING: Skyttaren Anna Korakaki tok Hellas' første gullmedalje i Rio. 20 år gamle Korakaki var best på 25 meter pistol og slo tyske Monika Karsch 8-6 i finalen. Heidi Diethelm Gerber fra Sveits tok bronsen.
SVØMMING: Michael Phelps tok sitt 20. OL-gull, då han vann 200m butterfly i natt, og fekk revansj etter at han tapte på distansen under OL i London.
Saman med Conor Dwyer, Francis Haas og Ryan Lochte, sikra Michael Phelps og USA gullet på 4x200m fri. 31-åringens tredje gull i årets OL, og 21. i karrieren.
Storbritannia og Japan tok dei siste pallplassane.
På 200m fri for kvinner vann amerikanske Katie Ledecky OL-gullet, medan svenske Sarah Sjøstrøm tok sin andre medalje i OL med sølv. Ho har eit gull frå før.
På kvinnenes 200m medley vart det ungarsk gull, til Katinka Hosszu. Hennar tredje til no i OL.
TENNIS: Elina Svitolina frå Ukraina slo regjerande olympisk meister, Serena Williams, i to strake sett. Tittelforsvararen er dermed utslått i den tredje runden av tennisturneringa.
Både Andy Murray og Rafael Nadal tok seg vidare etter siger i to strake sett. Murray slo ut argentinske Juan Mónaco, medan Nadal slo italienske Andreas Seppi.
VEKTLØFTING: Zhiyong Shi tok OL-gullet i vektløfting i 69-kilosklassen, framfor Daniyar Ismayilov (Tyrkia) og Izzat Artykov (Kirgisistan). 22-åringen frå Kina løfta 352 kilo totalt, ein kilo meir enn sølvvinnaren.