Hopp til innhold

NRK erfarer: Mot rekordsum for Hegerberg – i samtalar med fleire storklubbar

Ada Hegerberg kan vere på veg bort frå franske Lyon. NRK veit at det har vore dialog mellom representantane hennar og fleire storklubbar.

Ada Hegerberg

ETTERTRAKTA: Storskårar Ada Hegerberg har snart ti år bak seg i Lyon, men no kan ho vere på flyttefot.

Foto: Lise Åserud / NTB

Sidan første nyttårsdag har den norske superstjerna stått fritt til å forhandle med andre klubbar, ettersom kontrakten med den franske storklubben Lyon går ut 30. juni.

Hegerberg kan forlate Lyon vederlagsfritt når kontrakten går ut i sommar, men lønnskrava til 28-åringen fører til at få klubbar har råd til å hente ho.

Dermed er lista over aktuelle arbeidsgivarar relativt kort, men NRK veit at det går føre seg konkrete samtalar med fleire klubbar.

Forventar ny rekordkontrakt

Hegerberg uttalte følgande om framtida i fjor sommar:

– Lyon har ikkje tatt kontakt med agentane mine ennå.

Ifølge NRK sine opplysningar er det no endra, og Lyon er éin av få klubbar Hegerberg sine agentar er i dialog med.

I 2018 signerte Lyon-stjerna ein kontrakt som gjorde ho til den beste betalte kvinnelege fotballspelaren i verda.

MÅLSCORER AV RANG: Ada Hegerberg er den ubestridte dronningen i Mesterligaen med sine 64 mål i turneringen og seks ganger vinner av den gjeve turneringen.

MÅLSKÅRAR AV RANG: Ada Hegerberg er den suverene dronninga i Meisterligaen med dei 64 måla sine i turneringa og seks gonger vinnar av den gjæve turneringa.

Foto: MARCO BERTORELLO / AFP

Ifølge den franske avisa L'Equipe tener Hegerberg 420.000 euro, som tilsvarer drøye 4,7 millioner norske kroner, i året i Lyon, og etter det NRK erfarer vil den neste kontrakten også vere svært lukrativ.

– Vi forventar at ho får ein rekordsum, får NRK opplyst.

NRKs fotballekspert Carl-Erik Torp meiner Hegerberg «vil vere attraktiv for kva som helst annan klubb».

– Lyon er ikkje lenger den soleklare einaren. No er Chelsea, Arsenal, Barcelona og Bayern München omtrent på same nivå, seier Torp.

Han held fram:

– Det er naturleg at fleire klubbar har radaren open når ein av dei beste spissane gjennom tidene vil vere tilgjengeleg. Ho kjem til å skåre same kven ho signerer for, er hardtarbeidande og ein spelar som alle ønsker i troppen sin.

Hovudpersonen sjølv har funne tilbake til storforma etter fleire skadeplager og skal vere roleg med tanke på framtida.

Ada Hegerberg scoret nylig to mål i Mesterliga-kampen mot østerrikske St. Polten.

I SKÅRINGSFORM: Ada Hegerberg skåra nyleg to mål i meisterligakampen mot austerrikske St. Pölten. Ho pynta med det på statistikken som mestskårande kvinne i Meisterligaen.

Foto: Reuters

Hegerberg har vore Lyon-spelar i 10 år. I løpet av den tida har ho vunne Meisterligaen seks gonger, slått skåringsrekordar og blitt kåra til den beste kvinnelege fotballspelaren i verda.

Ho er bortskjemt i Lyon, der ho har vore med på å vinne dei gjævaste trofea. Likevel er det naturleg å vurdere noko nytt etter mange gode år i Lyon, seier NRK sin fotballekspert Kristoffer Løkberg.

NRK har vore i kontakt med Hegerbergs agentar Victor Bernard og Alan Naigeon. Dei ønsker ikkje å kommentere NRKs opplysningar.

– Den siste brikka

Løkberg meiner Hegerberg står overfor eit viktig karriereval og peikar på at ho fyller 29 år i juli.

Ho har nok ikkje mange store, gode kontraktar igjen. Ho står i ein posisjon der ho kan få ein kontrakt på tre-fire år viss ho treffer rett klubb. Det blir verre seinare i karrieren, seier Løkberg.

Kristoffer Løkberg

FØLGER SPENT MED: Fotballekspert for NRK og Viking-spelar, Kristoffer Løkberg trur Ada Hegerberg gjer lurt i å ta seg god tid med å velje neste steg i karrieren.

Foto: Nicolai Eid Trondal

Difor meiner NRK-eksperten det er viktig å bruke denne moglegheita til å vurdere alle tilboda.

Ho set garantert dei sportslege ambisjonane veldig høgt, og ser etter ein klubb der ho framleis kan vere med å kjempe om dei gjævaste trofea, seier han og legg til:

Barcelona er ein slik klubb, som er heilt der oppe. Samtidig blir økonomien i dei engelske klubbane berre betre og betre. Kven av dei ser på henne som den siste brikka for å bli det beste laget i Europa?

null
Spiller nå
Satte norgesrekord i går - tror dette er hemmeligheten 01:04
Neste