Hopp til innhold

Norske seglarar forbanna etter kollisjon: – Heilt «crazy» forhold

TOKYO/OSLO (NRK): Segleduoen Marie Rønningen og Helene Næss fekk ikkje ein optimal start på OL. Sistnemnde datt uti vatnet rett før konkurrenten deisa i båten.

fJr7446t9tw

Helene Næss og Marie Rønningen kolliderte i den andre segling.

– Det var kaos, seier Marie Rønningen til NRK.

Dei norske seglarane konkurrerer i 49er FX i dei olympiske leikane, og under andre segling tysdag, blei det dramatisk.

Då seglbåten skulle runde første bøye, hamna Helene Næss i vatnet. Sekund seinare kom den tyske båten beståande av Tina Lutz og Susann Beucke seglande i full fart retning den norske båten, og dei krasja.

Segla kilte seg saman, og det tok tid før dei løysna frå kvarandre att.

Til slutt enda den norske båten i mål over fem minutt bak vinnarbåten Storbritannia – og no er frustrasjonen høg.

Vurderte protest

Årsaka til at Næss hamna i vatnet, var tauet på trapesen som ikkje hadde festa seg slik som det skulle.

Men at tyskarane krasja i dei, meiner dei norske jentene har samanheng med at den tyske båten gjorde noko som var ulovleg.

– Rett før eg hamna i vatnet, gav vi beskjed om at det ikkje var plass på innsida av oss. Det er reglar på når det er nok plass eller ikkje, og det meinte vi dei ikkje hadde. Så då eg klarte å løyse meg ut, gjekk båten opp mot vinden og mot tyskarane, som ikkje burde vere der, forklarer Næss.

xL62au2gh0w

DRAMA: Den tyske båten smalt rett inn i dei norske kvinnene.

Foto: CARLOS BARRIA / Reuters

Sinnet koka mellom konkurrentane på det tidspunktet, og begge meinte at motsett ende gjorde feil.

– Vi skreik «protest» til dei. Det var det einaste vi sa, for vi meinte dei hadde feil. Dei ropte det til oss òg, det gjekk begge vegar. Dei var misfornøgde over at vi krasja i dei, seier Rønningen.

– Meiner de at den tyske båten braut reglane?

– Ja. Vi vurderte om vi skulle legge inn ein protest, men det er ein situasjon som kan gå begge vegar. Vi meiner at tyskarane ikkje burde vore på innsida av oss, men det er jo min feil at båten spinn opp. Det tek mykje tid med ein protest, og difor vel vi å ikkje gjere noko med det, seier Næss.

Tyske Tina Lutz ser situasjonen annleis:

– Eg synest vi var klart innanfor. Eg synest det openbert var deira feil, seier Lutz til Aftenposten.

Heldigvis kom dei norske kvinnene og seglbåten seg ut av situasjonen i god behald.

– Vi var litt stressa for båten, for det smalt ganske greitt då dei trefte oss, men både vi og båten har det fint, forsikrar Næss.

0Sg_63nljJU

SLEIT: Enda meir irriterande var det at dei store vindkasta fekk båten til å kantre i store delar av løpet, fortel jentene. Her heng Næss utanfor båten.

Foto: CARLOS BARRIA / Reuters

Aldri segla i slikt vêr før

Under seglekonkurransen var ein vitne til store bølgjer og kaotiske forhold i Sagami-bukta, ei dryg time køyring sørvest frå Tokyo sentrum.

Det var nemleg venta tyfon i Japan denne veka, men no er varselet justert ned til tropisk storm.

Likevel har jentene fått erfare korleis ein slags tyfon kan påverke vêrsystema i både luft og vatn.

– Vi kjente mykje på den i dag. Den har gjort at det er ustabile vêrsystem her, for vi er heilt ute på kanten. Vi har vore her veldig mykje i tidlegare år, kanskje fem månadar til saman, og aldri seila i denne vindretninga før. Det er det tyfonen som gjer, seier Næss og fortset:

– Det har vore ganske «crazy» forhold for oss i dag. Vinden kjem i alle retningar, det er svell i havet, mykje action og veldig ustabile forhold.

Discovery sin kommentator Bjørnar Erikstad gjekk så langt og kalla det «kamikaze»-forhold.

Det kan Rønningen støtte opp om, men ho er ikkje nervøs for tyfonvarselet.

– Vi kjenner oss trygge på at vi handterer alle forhold vi blir sendt ut i. Viss Japan sender oss ut, så er det innanfor. Vi er ikkje stressa for at det heiter tyfon eller ikkje, vi tar den vinden som er der ute, avsluttar ho.

ESHot_T6VEU

PÅ HØGKANT: Helene Næss og Marie Rønningen sleit med å få båten i gong att etter krasjen. Dei segla i mål på 17.-plass.

Foto: CARLOS BARRIA / Reuters

Siste nytt

  • Sørloth scoret i Villareal-seier

    Alexander Sørloth scoret det tredje og siste målet da Villareal slo Real Sociedad i La Liga fredag kveld.

    Det var hans niende scoring for sesongen.

    Nordmannen startet på benken, men ble byttet inn drøyt ti minutter før slutt. Villareal vant kampen 3-1. Laget ligger nå på 12.plass på tabellen.

    Alexander Sørloth
    Foto: Reuters
  • Kiptum gravlagt i hjembyen

    Maratonløper Kelvin Kiptum ble fredag gravlagt i hjembyen Chepkorio i Kenya. Presidenten i Det internasjonale friidrettsforbundet var blant de fremmøtte.

    Sebastian Coe var til stede sammen med Kenyas president William Ruto. Friidrettsstjernen Faith Kipyegon, med en rekke gjeldende verdensrekorder, møtte også opp.

    Kiptums enke Asenath Rotich holdt en følelsesladd tale under seremonien.

    – Det er helt ufattelig å tenke på at du aldri igjen vil komme hjem til meg og våre kjære barn, sa Rotich.

    Flere har tatt til orde for en grundig etterforskning av ulykken, og tirsdag forrige uke ble det tatt opp at parlamentsmedlemmer i Kenya krever bedre beskyttelse av landets idrettsutøvere.

    – Våre idrettsutøvere bør behandles som VIP-er og gis sikkerhet, sa parlamentsmedlem Phelix Odiwuor.

    Kiptum løp inn til ny rekord i Chicago Marathon i oktober på tiden 2.00.35. Med det knuste han den gamle verdensrekorden på 2.01.09 som ble satt av Eliud Kipchoge under Berlin Marathon i 2022. Kiptum ville vært stor favoritt til å gå til topps i OL i Paris senere i år.

    (NTB)

    IDnroTGLye8
    Foto: AP
  • Nordås med kanonløp én uke før VM

    Narve Gilje Nordås slo til med tiden 7.41,28 på 3000 meter innendørs i Madrid fredag. Det er et snaut sekund bak Jakob Ingebrigtsens norske rekord.

    25-åringen slettet dermed sin egen bestenotering på 7.45,39. Ingebrigtsens rekord lyder på 7.40,32.

    Fredag var Gilje Nordås offensivt framme gjennom hele løpet. Mot slutten satte han inn et støt og vant etter en langspurt.

    – Jeg fikk de svara jeg ønska, men jeg føler jeg hadde mer inne, sier Gilje Nordås til NRK.

    Treningskamerat Per Svela satte også ny bestenotering på distansen med 7.47,86. Han ble nummer sju.

    – Det var gøy. Jeg så han ikke kom så langt bak meg i mål. Både jeg og han fikk en nok så dårlig start for to uker siden. Det var en mental utfordring, og så snu det å komme her og perse. Det er veldig fortjent, og det er godt å se, sier 25-åringen om treningskameraten.

    Gilje Nordås stiller til start i innendørs-VM i Glasgow neste helg. Der skal han løpe 1500 meter. Ingen av Ingebrigtsen-brødrene stiller i mesterskapet.

    – Det ser mer lovende ut før VM nå enn hva det gjorde for to uker siden. Det føltes som om jeg avsluttet godt nå, det blir viktig i et mesterskap, sier han til X-kanalen AthleticsWeekly.

    Narve Gilje Nordås
    Foto: NTB

Sendeplan

Kl. Program Kanal