NRK Meny
Normal

Norsk VM-tap: – Eit surt tap å svelje

Norge opna handball-VM med tap 25-26 for Russland i Frederikshavn laurdag kveld.

Kari Aalvik Grimsbø

NEDTUR: Kari Grimsbø Aalvik leverte ein god kamp, men kunne ikkje hindre norsk tap i VM-opninga

Foto: Ruud, Vidar / NTB scanpix

– Hovudårsaka til tapet var først og fremst at vi hadde ein lang periode i kvar omgang der vi ikkje scora, seier NRKs handballekspert Geir Oustorp.

Frå det 21. til det 28. og frå det 45. til det 54. minutt blei det null mål for Norge. Då hjelpte det lite at det defensive sat godt, slik at heller ikkje Russland scora mange.

– Med så lang måltørke er det ikkje rart det gjekk som det gjorde, seier Oustorp.

Norge hang godt på Russland i andre omgang, men kom aldri i leiinga.

Timeout tre sekund før slutt

– Akkurat no kjennest det heilt forferdeleg ut. Det var surt, og eit tøft tap å svelje, seier Camilla Herrem til NRK. – Vi jagar heile kampen, men får det ikkje heilt til.

– Vi må ikkje berre tenkje på det siste hektiske minuttet, vi må ta heile kampen under eitt, seier ho.

For tre sekund før full tid tok landslagssjef Thorir Hergeirssom timeout. – Eg trudde det var meir tid igjen, sa han under timeouten.

– Det var ikkje ein tabbe. Vi var klare for timeout, og tapte neppe meir enn to sekund på det, seier landslagssjefen.

Trass tapet fann Hergeirsson mykje å gle seg over.

– Dette er ein av dei beste kampane vi har spela i 2015. Vi ser konturane av eit skikkeleg godt forsvar. Angrepsmessig går det bra når vi klarar å leike med tempoet. Men vi blir litt for ivrige av og til, analyserer Hergeirsson.

Irritert Mørk

Nora Mørk var irritert over tapet.

– Ja, dette var irriterande, seier ho og tenkjer på sjansen ho brende i dei siste sekunda. – Eg burde sett den ballen i mål, sjølv om eg vart hindra.

Fleire meinte at Norge burde hatt straffe i den situasjonen. – Det var ikkje dommaren si skuld, sjølv om mange kanskje meinte det då, seier Mørk.

– Men vi skulle avgjort det før. Vi hadde mange sjansar til det.

Video: Nora Mørk var irritert etter tapet (artikkelen held fram under videovindauget)

Det blei 25-26 når Norge spelte mot Russland lørdags kveld.

Norge måtte jage

Norge scora ikkje eit einaste mål på sju minutt, og Russland kom ajour. Ved pause var det 14-11 til Russland.

Norge gjekk sterkt ut etter pause, men klarte aldri å ta leiinga. I ein periode på ni minutt scora ikkje Norge eit einaste mål.

Men så losna det, og på knapt halvanna minutt gjekk Norge frå 20-23 til 23-23. Men nærmare kom aldri det norske laget.

– Kva betyr dette tapet for resten av VM?

– Det kan bety at vi ikkje vinn gruppa, og kan derfor spele inn kva motstandar vi får seinare i turneringa, seier Geir Oustorp.

Siste nytt

  • Everton sendte Grêmio til finale

    Brasilianske Grêmio er klare for finalen i VM for klubblag etter 1-0-seier over Pachuca.

    Innbytter Everton ble den store helten med sin scoring etter fem minutters spill i 1. ekstraomgang.

    I finalen venter Real Madrid eller Al-Jazira.

    Gremio Everton
    Foto: Hassan Ammar / AP
  • Sverige klar for semifinale

    Sverige slo Danmark 26-23, og er klar for semifinale i håndball-VM. Det er svenskenes sjette strake seier i mesterskapet.

    Sverige møter Frankrike eller Montenegro i semifinalen førstkommende fredag.

    ha
    Foto: Hendrik Schmidt / AFP
  • Veiby signerte for Skoda

    Ole Christian Veiby (21) kan starte planleggingen for neste rallysesong. 21-åringen fra Kongsvinger har nemlig signert ny fabrikkontrakt med Skoda Motorsport.

    – Det er litt vanskelig å sette ord på hvor stort dette er, sier Veiby i en pressemelding.

    Ole Christian Veiby med ny Skoda kontrakt
    Foto: Even Management/Skoda Motorsport.

Sendeplan

Kl. Program Kanal