NRK Meny
Normal

Norge fekk viljen sin i undertøysaka

FIS gav Norge medhald: Hopparane må ha delt undertøy under hoppdressane også i framtida.

Hoppdress

HOPPDRESS: Her er Daniel Andre Tande hos skreddaren for å prøve hoppdress. Men under dressen skal det vere undertøy i to separate deler

Foto: Andreas Vilberg / NRK

– Kravet om delt undertøy vil gjere det vanskelegare å utnytte undertøyet til å gi strammare hoppdress, seier sportssjef Clas Brede Bråthen til NRK.

Han er glad for FIS-kongressens vedtak i dag.

Det var Norge og Polen som la fram forslaget på kongressen i vår, og fekk gjennomslag. Drakta under dressen – eller undertøyet – skulle bli mindre og vere i to separate deler. Beina på buksa blir kutta over knea, og ermene på t-skjorta blir kutta over albogen, for å ikkje kunne skape strekk.

I fjor blei det påbode å hoppe med belte for å motverje betre oppdrift ved «sagging».

– Målet er å redusere spekulasjonane og mistankane om juks med hoppdressane, seier Bråthen.

Lettare å strekke også hoppdressen

Han seier at med undertøy i eitt stykke var det lettare å strekke den på ein måte som også strekte hoppdressen «usynleg».

FIS-kongressen stadfesta i dag kravet om at hopparane skal ha delt undertøy under dressen i konkurransar. Dette vedtok FIS i vår, men Austerrike – som har utvikla eit samansydd undertøy – anka vedtaket.

I Grand Prix-konkurransane på plast i sommar har det vore kravd delt undertøy.

– Det har gitt resultat i form av færre diskvalifikasjonar på grunn av hoppdressen, seier Bråthen. – Det har vore ein del spekulasjonar knytta til dette, og det er ikkje bra for hoppsporten.

Det har heller ikkje vore sterke reaksjonar på vedtaket i dag, ifølgje Bråthen.

– Det var ein mykje tøffare kamp då vi fekk det gjennom i vår.

Svakt av Austerrike i Grand Prix

Austerrike har gjort det heller dårleg på plast i sommar, men Bråthen vil ikkje vere med på at det skuldast dei nye reglane.

– Eg vil ikkje legge for mykje i det. Austerrike har av og til ei anna satsing på Summer Grand Prix, seier sportssjefen.

NRKs hoppekspert Johan Remen Evensen trur ikkje dei nye reglane vil gi fordelar.

– Undertøy er noko vi veit har vore manipulert med dei siste åra. Men no er risikoen for det mindre, seier Evensen.

Han meiner også at dei nye reglane kan gjere det lettare for mindre hoppnasjonar.

– Hjelper dei mindre nasjonane

– Dei som ikkje har ressursar nok til å forske på utstyr, får rett og slett ein større fordel. Nasjonar som ikkje har tenkt på å utnytte undertøyet, vil kome nærmare dei beste. Det trur eg er positivt for hoppsporten.

– Kvifor har Norge og Polen pressa fram dette forslaget, og Austerrike vore imot?

– Austerrike har alltid vore langt framme og flinke til å finne nytt heile tida, men no har Norge og andre nasjonar teke att mykje av forspranget. No mister dei endå ein faktor å spele på, seier Johan Remen Evensen.

Siste nytt

  • Bendtner med RBK-hyllest

    Nicklas Bendtner har lagt ut et innlegg på sin Instagram-konto hvor han takker Rosenborg.

    – Jeg tror det er første gang i min karriere alt har gått slik jeg håpet, skriver han, blant annet.

    Laster Twitter-innhold
  • Tøff trekning for Solbakken

    Ståle Solbakkens FC København møter spanske Atlético Madrid i 16-delsfinalen i europaligaen over nyttår. Resten av lagene som møtes:

    Dortmund - Atalanta

    Nice - Lokomotiv Moskva

    Spartak Moskva - Athletic

    AEK - Dynamo Kyiv

    Celtic - Zenit

    Napoli - Lepzig

    Crvena Zvezda - CSKA Moskva

    Lyon - Villarreal

    Real Sociedad - Salzburg

    Partizan - Plzeň

    FCSB - Lazio

    Ludogorets - Milan

    Astana - Sporting CP

    Östersund - Arsenal

    Marseille - Braga

    Ståle Solbakken
    Foto: Anders Kjærbye / NTB scanpix
  • Northug tilbake i trening

    Petter Northug er tilbake i full trening, sier trener Stig Rune Kveen til VG. Han har hatt en liten pause i etterkant av Lillehammer-rennene, hvor han ble slått ut i prologen. Northug følte da at han ikke var helt i slag.

    – Nå har han havnet på «pluss-siden» igjen. Det var viktig at han satte på håndbrekket selv der og hentet seg inn, etter å ha vært litt for hissig på konkurranse etter sykdomsperioden for to uker siden, sier Kveen til VG.

    Verdenscup ski nordiske grener.
    Foto: Terje Bendiksby / NTB scanpix

Sendeplan

Kl. Program Kanal
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge
VM håndball kvinner: 1/8-finale Spania - Norge