Når kjenslene kjem i vegen

Tiril Eckhoff har latt kjenslene teke overhand, både i gode og dårlege tider. Men no har ho betre kontroll enn nokon sinne.

Tiril Eckhoff

KLAR: Tiril Eckhoff føler ho er betre førebudd enn nokon gong.

Foto: Larsen, Håkon Mosvold / NTB scanpix

– Ein har lyst til å bli framstilt som eit glansbilete heile tida. Ein vil ikkje vere den som sit og har det dårleg, fortel ei ærleg Tiril Eckhoff til NRK.

Ho har nettopp fullført opningshelga for skiskyttarane på Sjusjøen. Det enda med 2.-plass i sprinten og 6.-plass på fellesstarten.

Og det er ei tung bør Eckhoff har på skuldrene sine. Ho er utpeika til å nærmast åleine føre arva frå Tora Berger vidare. Men no har ho slutta å la forventingane gå inn på seg.

Tårevått

Eckhoff fekk sitt plutselege gjennombrot for to år sidan. Då rann det over i eit intervju med NRK.

– Det er baksida med å plutseleg vere stjerne. Då er eg på ein måte bilete på at det går dårleg, sa Echkoff medan tårene rann.

Når Eckhoff får sjå igjen det to år gamle intervjuet ler ho høgt.

– Eg har ikkje noko lyst til å sjå det, eg blir litt flau. Det er ikkje vanleg å grine på tv.

Eckhoff smiler medan ho tenkjer attende på situasjonen ho var i då intervjuet blei gjort.

– Der hadde eg det kjipt, fortel skiskyttaren.

VM-dronninga

Men det er ikkje den einaste gongen Eckhoff har vist kjensler på TV.

Under VM i Holmenkollen førre vinter såg det mørkt ut då ho bomma på skot etter skot på innskytinga til sprinten.

Men Eckhoff slo attende og trefte på alle ti skota i konkurransen. Det hadde ho aldri gjort i konkurranse før.

I intervjusona etter målgang strøyma gledestårene på.

– Det er so gøy, og mamma og pappa og alle vennene mine var og såg på, hiksta Eckhoff.

– Det var digg. Helt fantastisk å rundt her i dag. Det er det råeste, jeg kan ikke beskrive det, sier en målløs Tiril Eckhoff etter målgang.

Og også på stafetten stakk Tiril Eckhoff og Norge av med gullet, men etter det var det heilt stopp.

Utlada

Resten av sesongen var ikkje Eckhoff i nærleiken av å hevde seg.

– VM var ein stor utlading, heile sesongen var over for ho etter det, seier pappa Knut Eckhoff til NRK.

Men i år har ho eit heilt anna forhold til dei forventningane som ligg på skuldrene hennar.

– Eg likar å tru det i alle fall. Eg har jobba mykje mentalt.

Det trur også lagvennina Synnøve Solemdal.

– Ho er tryggare. Ho har VM-sigeren i boks, og det verkar som det er herleg å ha den.

Men Eckhoff innrømmer likevel at ho vil fortsette å jobbe med kjenslene.

– Eg må slutte å grine, men eg blir nok ikkje følelseslaus eller kynisk. For ein slik person er eg ikkje. Men eg har nok lært mykje

Siste nytt

  • Mot 3.-plass til Aamodt Kilde

    26-åringen køyrer eit rått utfor i Wengen og ser ut til å sikre seg ein 3.-plass, 14 hundredelar bak Vincent Kriechmayr frå Austerrike og Beat Feuz. Svindal ligg på 4.-plass, medan Jansrud ikkje får det til og hamnar lagt bak. Smiseth Sejersted køyrer ut.

  • Vikhagen Gjeitnes på andreplass

    Kari Vikhagen Gjeitnes var med i seierskampen helt inn på den siste kilometeren i Ski Classics-rennet La Diagonela i Sveits lørdag, men tsjekkiske Katerina Smutna ble for sterk. Astrid Øyre Slind, som falt underveis, tok fjerdeplassen i rennet.

    Kari Vikhagen Gjeitnes
    Foto: Terje Pedersen / NTB scanpix
  • Dale på pallen i IBU-cupen

    Johannes Dale måtte strekke våpen til slutt, men ble nummer to på sprinten i IBU-cupen i skiskyting i tyske Arber lørdag. Franske Aristide Begue vant. Tore Leren, Håvard Gutubø Bogetveit og Fredrik Gjesbakk ble henholdsvis nummer fem, seks og sju.

Sendeplan

Kl. Program Kanal
V-cup langrenn: Klassisk sprint, finaler
V-cup langrenn: Klassisk sprint
V-cup skiskyting: Stafett kvinner
V-cup skiskyting: Stafett kvinner
V-cup kombinert: 10 km langrenn
V-cup kombinert: 10 km langrenn
V-cup hopp: Laghopp 1. omgang, menn
V-cup hopp: Laghopp menn
Vinterstudio
V-cup hopp: Laghopp 2. omgang, menn
Sport i dag