Lunde tilbake på landslaget
Katrine Lunde (40) kan få sin første landskamp på nærmare to år når Norge møter Danmark i Golden League 1. oktober.
Målvakta rauk korsbandet i ein kamp for Vipers i mai 2019.
Veteranen har ikkje gjort comeback for Vipers, men er med i troppen til landslagstrenar Thorir Hergeirsson.
Veteranane Nora Mørk og Marit Malm Frafjord er også med. Mørk har også vore plaga med skadar og har ikkje spelt meir enn tre landskampar sidan VM-finalen mot Frankrike 17. desember 2017.
Norge skal møte Danmark, Frankrike og Montenegro i turneringa som går som normalt trass koronasituasjonen.