Hjernerystelse frustrerer Lindsey

Amerikanske Lindsey Vonn var ein av favorittane i dagens super-G-renn i Garmisch-Partenkirchen. Men løpet blei totalt mislukka. Etter rennet klaga ho over sterk hovudverk og hjernerystelse.

Video Vonn sliter med hodesmerter

Sjå heile intervjuet med ei frustrert Lindsey Vonn. Her fortel ho ope om sjukdomen som set henne ut av spel.

Verdscup-leiar og tittelforsvarar Lindsey Vonn var heilt ute av seg etter rennet. Oppgitt over å kome inn til ein sjuande-plass tok ho bladet frå munnen og fortalde at ho rett og slett er sjuk.

– Ærleg talt så føler eg meg ikkje heilt god akkurat no. Eg vakna i dag tidleg og tenkte at alt var greitt, men eg hadde hovudverk og eg var ufokusert. Eg prøver så godt eg kan, men det fungerer ikkje, seier Lindsey Vonn.

Austerrikske Elisabeth Görgl vann rennet, før amerikanske Julia Mancuso og tyske Maria Riesch.

Kanskje feil å stille opp i dag

Før løpet klaga Lindsey Vonn over at bakken i Garmisch-Partenkirchen var isete, bratt og humpete. I tillegg følte ho seg ikkje heilt bra. Ho tenkte på om ho burde trekkje seg, men konkluderte med at ho burde stille til start.

Lindsey Vonn

Lindsey Vonn var sliten og frustrert etter rennet i dag.

Foto: NRK

– Eg tenkte at eg kunne få til noko i dag, berre eg prøvde hardt nok. Det var kanskje ei feil avgjerd å vere med på løpet i dag. Men eg ville ikkje hoppe av. Eg var ikkje særleg god i dag, seier Lindsey Vonn.

– Som å vere inne i ei sky

Problema til Lindsey Vonn begynte lenge før ho sette utfor super-G-løypa. I dag klarte ho ikkje å gjennomføre førebuingane til rennet på skikkeleg vis.

– Eg føler eg er inne i sky. Då eg skulle memorere løypa, klarte eg ikkje å hugse portane. Eg sat der og såg ut i lufta, men eg såg ingenting. Dette er ikkje meg, og det er ei dårleg kjensle. Ved den tredje porten skjønte eg at ikkje ikkje hang med, seier Lindsey Vonn.

– Dette er ikkje meg

Akkurat no har Lindsey Vonn det så gale, at ho ikkje kjenner att seg sjølv. Ho ville så gjerne gjere det bra, men i dag var det umogleg.

– Eg prøvde å få noko ut av det mot slutten, og å kome inn på sjuande plass er no ikkje så aller verst, med tanke på korleis eg hadde det. Men eg er trist fordi eg veit at dette ikkje er meg. Eg hadde jo lyst til å forsvare tittelen, seier ho.

– Kan ikkje ta medisinar mot dette

Lindsey Vonn skal bruke dei neste dagane til å tenkje grundig over kva ho skal gjere no. Ho vurderer å droppe utfor-treninga, og ho er ikkje sikker på om ho blir med på super-kombinasjonen. På ein måte skulle ho ønskje at det fanst ein medsin som kunne ta henne ut av situasjonen ho er i no.

– Nokre dagar er gode. Andre er rett dårlege. Dette er verkeleg vanskeleg. Eg kan jo ikkje ta nokon medisinar for å få tilbake konsentrasjonen. Brått er det der, og brått er det der ikkje.

– Fryktar symptomar i eit heilt år

Den amerikanske superalpinisten fryktar no at hjernerystelsen kan skape problem for henne lenge. Ho har nemleg høyrt at den typen hjernerystelse ho har kan vare i eit heilt år.

– Nei, lækjarane kan ikkje seie kva som er gale. Ingen kan fortelje meg det. Nokre seier at folk kan ha slike symptomar i opp til eitt år. Eg kjem til å bli svært skuffa om det kjem til å ta så lang tid. Eg har aldri før hatt ein skade i hovudet som har vart så lenge som dette. No veit eg ikkje, eg er veldig frustrert, seier ei oppgitt Lindsey Vonn til NRK.

– Vi trudde det var ein hjernerystelse?

Eg har teke CT-undersøking av hovudet. Det ER ein hjernerystelse, men det er ein verkeleg trasig hjernerystelse. Der er inga bløding i hjerna. Hjernerystelse er forskjellig frå person til person, og ingen kan seie på førehand kor lenge symptomane kjem til å vare. Og det er så lite eg kan gjere med det. Det einaste eg kan gjere er å vente.

Men er du god på å vere tolmodig?

Eg er ikkje kjent for å vere tolmodig. Eg brukar å kome meg rett ut att i løypene sjølv om eg er skadd. Eg toler vanleg smerte. Men dette er ikkje vanleg smerte. Akurat no kan eg ikkje eingong gå på ski. Det er verkeleg frustrerande, seier Lindsey Vonn til NRK.

Siste nytt

  • Ukraina vant U20-VM

    Sør Korea tok en tidlig ledelse i finalen, men det var ukrainerne som kunne juble til slutt. Vladislav Suprijaga utlignet først til 1-1, før han deretter sendte Ukraina opp i ledelsen. Like før slutt punkterte Georgi Tsjtajsjvilij kampen.

    Ukraina vant U20-VM
    Foto: Janek Skarzynski / AFP
  • Canada slo New Zealand

    Jessie Fleming og Nichelle Prince scoret målene for Canada da de slo New Zealand 2-0. Canada står nå med seks poeng etter to kamper, like mange som Nederland, som de møter i den siste kampen i gruppespillet.

    Canada feirer 2-0-scoringen over New Zealand
    Foto: Francisco Seco / AP
  • Ble Nederlands mestscorende

    Vivianne Miedemas to mål i Nederlands 3-1-seier over Kamerun var hennes 59. og 60. landslagsmål. Hun passerte dermed Manon Melis og er nå Nederlands mestscorende landslagsspiller gjennom tidene. Seieren betyr at Nederland er videre i VM.

    Vivianne Miedema feirer etter å ha scoret sitt andre mål i Nederlands 3-1-seier over Kamerun
    Foto: Michel Spingler / AP

Sendeplan

Kl. Program Kanal