Lagerbäck vurderer å ta laget av bana: – Dette bekymrar oss

BUCURESTI/OSLO (NRK): Landslagstrenar Lars Lagerbäck er kritisk til at UEFA snur og tillèt 30.000 born på tribunen i kampen mot Romania. No truar han med å ta laget av bana om det blir rasistiske tilrop frå publikum.

Herrelandslaget i fotball

KRITISK: Lars Lagerbäck er kritisk til UEFA si handtering av situasjonen i Romania.

Foto: Terje Pedersen / NTB scanpix

Romania fekk i utgangspunktet ikkje lov til å ha publikum på tribunen i kampen mot Norge tysdag. Dette som følgje av at heimefansen skal ha kome med rasistiske tilrop i kampane mot Spania og Malta, ifølgje TV 2.

I dag kom kuvendinga, der Romania har fått løyve til sleppe inn 30.000 born til å sjå kampen. Kvar gruppe med ti born skal ha følgje med ein vaksen person, seier den rumenske journalisten Emanuel Rosu til Nettavisen.

– Det er regelverket som UEFA har, og så kan man jo synst at det er litt rart. Full respekt og forståing for at dei då inviterer unge. Men veldig rar avgjersle når man tydleg vil markere mot rasisme, sa den norske landslagstrenaren då han møtte pressa tysdag.

Herrelandslaget i fotball.

RASISME: Stefan Johansen seier at rasisme ikkje skal skje i fotballen og støttar sin landslagssjef.

Foto: Terje Pedersen / NTB scanpix

Og han fekk full støtte frå Stefan Johansen.

– Eg er heilt samd. Rasisme skal ikkje skje i fotball. Det har vore mykje fokus på det frå store profilar. Rasisme skal straffast hardt. Men no har ikkje vi noko med det å gjere, så vi får fokusere på det vi skal gjere, sa Fulham-spelaren.

– Ingenting overraska meg lenger

For det som skulle bli ein kamp for tomme tribunar, blir så absolutt ein heilt annan kamp enn det som vart tenkt. Og det overraska den norske landslagssjefen.

– Eg trudde ingenting overraska meg i fotball lenger, men dette overraska meg. Eg visste ikkje at UEFA hadde denne regelen.

Og han legg til:

– Vi visste ikkje om regelen. Men dei føl berre reglane. Vi må fokusere på det som skjer på bana, ikkje det som skjer utanfor bana.

Bekymra for rasisme

England sin landslagssjef har tidlegare uttalt at han vil ta laget av bane, dersom det skulle komme rasistiske tilrop frå publikum. På slutten av pressekonferansen tysdag kom den norske landslagssjefen med ei klar appell.

– Eg ønsker å legge til at samtidig som vi respekterer avgjersla, så vil eg bli veldig skuffa dersom noko slikt skjer også i morgon. Vi har også ein del spelarar med utanlandsk bakgrunn, og dette er noko som bekymrar oss. Eg veit ikkje korleis eg vil reagere om noko sånt skjer i morgon. Eg håper at dei respekterer alle, om ikkje må vi også ta ein avgjersle som liknar på det andre lag diskuterer i augneblinken.

EM-kvalifisering fotball menn: Norge - Spania

FULT: Ullevål stadion var utseld i kampen mellom Norge og Spania. I Romania var det i utgangspunktet ikkje lov til å sleppe inn tilskodarar.

Foto: Terje Pedersen / NTB scanpix

Arena Nationale i Bucuresti har plass til 55.000 på tribunen. Ifølgje UEFA er det born opp til 14 år som får lov å sjå kampen.

Siste nytt

  • Ørjan Nyland i mål mot Malta

    Ørjan Nyland erstattar Rune Almenning Jarstein som keeper på Norges lag mot Malta i kveld.

    Landslagssjef Lars Lagerbäck gjer tre endringar til frå laget som slo Færøyane 4-0 fredag: Jonas Svensson, Birger Meling og Mats Møller Dæhli går inn for Omar Ebdellaoui, Haitam Aleesami og Ole Selnæs.

    Laget ser dermed slik ut: Ørjan Nyland, Jonas Svensson, Kristoffer Ajer, Tore Reginiussen, Birger Meling, Iver Fossum, Sander Berge, Markus Henriksen, Mats Møller Dæhli, Alexander Sørloth, Joshua King.

    Kampstart på Malta er kl 20.45.

    Ørjan Nyland
    Foto: Vidar Ruud / NTB scanpix
  • Slo tilbake etter tabbe

    De norske curlingherrene i EM slo tilbake etter kosttabben som kostet seieren mot England i går. Ulsrud og co vant 8-7 over Danmark, og står nå med to seire og to tap etter fire kamper.

    Thomas Ulsrud
    Foto: Cathal Mcnaughton / Reuters
  • Fratatt gårsdagens seier

    Det norske EM-laget i curling, Team Ulsrud, er fratatt sin seier over England i går kveld som følge av et regelbrudd. Reglene sier at dersom en spiller erstattes like før eller i løpet av kampen, kan ikke den nye spilleren benytte en annen kost enn den som allerede var i bruk. Det norske laget står nå med en seier og to tap etter at tre kamper er spilt.

    Team Ulsrud
    Foto: Lise Åserud / NTB scanpix

Sendeplan

Kl. Program Kanal