Hopp til innhold

Krev ny dømming av kvinnenes kunstløp

Eit koreansk opprop samlar titusenvis som krev ny dømming av kvinnenes friløp i OL.

Sotnikova

Adelina Sotnikova gledde heimepublikum med gull i kunstløp, men det har fått kunstløp-kjennarar verda over til å reagere

Foto: Ivan Sekretarev / Ap

Kritikken mot kunstløp-dommarane var sterk etter at russiske Adelina Sotnikova tok gull i friløpet for kvinner torsdag.

Sotnikova var heile 5,48 poeng føre koreanske Kim Yu-Na. Det får meir enn ein kunstløp-kjennar til å reagere.

Krev ny dømming

Kim Yu-na

- Kim Yu-na er den verkelege dronninga, seier Katarina Witt. Ho karakteriserer avgjerda som 'skammens gullmedalje'

Foto: DAMIEN MEYER / Afp

I Sør-Korea er reaksjonane elektrisk harmdirrande. Nettstaden change.org går hardt ut og krev ein open høyring om karaktergivinga i konkurransen, og krav om ny dømming. Kravet hadde på få timar samla 75.000 underskrifter.

Researcher Alex Goldberger i den amerikanske tv-kanalen NBC sa at "Sotnikova var god, men Kim vart rana for gullet".

– Eg synest det er svært rart. Eg har prøvd å finne ut kvifor Sotnikova vann, og i alle fall kvifor avstanden var så stor. For meg såg det ut som om Kim var klart best. Men kunstløp er ikkje berre skøyteferdigheiter, det er også matematikk, seier Kurt Browning.

Han er tidlegare firdobbel verdsmeister, og kommenterte konkurransen for kanadisk tv.

Gullet til 17 år gamle Sotnikova var eit plaster på såret same dag som det gullet Rusland aller helst ville ha, glapp. Russland tapte for Finland i kvartfinalen i ishockey.

– Skammens gullmedalje

Tyske Katarina Witt forstod heller ikkje resultatet.

– Dette er skammens gullmedalje. Kim Yuna er den verkelege dronninga, twitra Witt.

Ho tok OL-gull i 1984 og 1988, og er saman med Sonja Henie (1928, 1932 og 1936) den einaste kvinna som har klart å forsvare ein OL-tittel i kunstløp for kvinner. Kim vann i 2010 og hadde sjansen til å bli den tredje.

Tidlegare suspendert dommar

Ein av dei ni dommarane i konkurransen var ukrainske Juri Balkov. Han var suspendert for eit år etter å ha vorte kjend skuldig i ein dommarskandale i OL i Nagano i 1998.

Ein av dei andre dommarane, Alla Sjekhovtseva, er gift med Viktor Sjekhovtsev, som er direktør i det russiske kunstløpforbundet. Ho forsvarar avgjerda.

– Både Sotnikova og Kostner (Carolina Kostner som tok bronse) gjorde sju trippelhopp, Kim seks. Og medan Kim tok kombinasjonen trippel lutz/trippel toeloop og Kostner kombinasjonen dobbel axel/trippel toeloop, gjorde Sotnikova begge kombinasjonane. Derfor var Sotnikovas program teknisk vanskelegare, forklarte Sjekhovtseva.

Ho ville ikkje svare på fleire spørsmål om dømminga.

– Eg har gjort min jobb,. Vidare spørsmål må rettast til juryen, seier ho.

Gullvinnar Kim vil heller ikkje ha meir snakk om saka.

– Dommarane har dømt, og eg er ikkje den rette til å seie noko om det, seier Kim.

Siste nytt

  • Berg sikret skytterne nok en OL-plass

    16-åringen Synnøve Berg imponerte med 3.-plass i finalen i OL-kvalifiseringen i 10 meter luftrifle og sikret dermed Norge kvoteplass i Paris-lekene i sommer.

    Berg var blant fire finalister i kvalifiseringen i Rio de Janeiro som kunne sikre en av to kvoteplasser, ettersom de øvrige fire finalistene – blant dem Jeanette Hegg Duestad – allerede hadde kvoteplass i boks.

    Det ble en spennende finale der Berg slo Duestad og gikk videre til runden som ville sikre henne minst 3.-plass. Hun sto da igjen mot den franske duoen Oceanne Müller og Manon Herbulot.

    Berg ble slått ut før siste runde, men 3.-plassen holdt ettersom Müller også hadde sikret kvoteplass tidligere. Müller vant foran Herbulot med 250,4 mot 249,4 poeng. Duestad ble nummer fire. (NTB)

    vIZOGv1o5NQ
    Foto: NTB
  • Foss fortsatt i ledelsen i Tour of the Alps

    Tobias Foss kom inn sammen med hovedfeltet på den andre etappen i Tour of the Alps tirsdag.

    Nordmannen vant åpningsetappen i rittet mandag og beholder ledelsen i sammendraget etter tirsdagens etappe.

    Den italienske veteranen Alessandro De Marchi vant etappen solo, mens også Patrick Gamper og Simon Pellaud kom inn før feltet.

    Foss ble nummer 13 på etappen, med Torstein Træen like bak på 23. plass.

    Rittet avsluttes fredag.

    Tobias Foss
    Foto: NTB
  • Jonas Vingegaard utskrevet fra sykehus etter skrekkvelten i Baskerland

    Sykkelstjernen Jonas Vingegaard er ute av sykehuset etter den stygge krasjen i Baskerland rundt for tolv dager siden.

    Vingegaards lag Visma opplyser om nyheten på X.

    Vingegaard takker i samme melding for all støtten han har fått siden velten.

    Dansken havnet på sykehus med omfattende skader for halvannen uke siden. i tillegg til kragebeinsbrudd og flere ribbeinsbrudd fikk Vingegaard også påvist punktert lunge og en betennelse i lungevevet.

    27 år gamle Vingegaard har vunnet Tour de France de to siste årene. Nå ser det ut til at den kommende perioden vil handle om å rekke årets utgave av Touren. (NTB)

    Jonas Vingegaard
    Foto: Team Visma-Lease a Bike/X

Sendeplan

Kl. Program Kanal