Kristoffs lag kan likevel bli utestengt

Alexander Kristoffs lag slapp utestenging frå ritt etter sin andre dopingsak det siste året. Men no kan Katusha bli straffa likevel.

Alexander Kristoff

KAN MISTE RITT: Medlemskapet i MPCC kan føre til at Alexander Kristoffs lag Katjusja likevel må stå over ritt som følge av lagets to dopingsaker det siste året.

Foto: ERIC FEFERBERG / Afp

Katusha risikerte nyleg inntil 45 dagar suspensjon av Det internasjonale sykkelforbundet (UCI) etter to dopingsaker på under tolv månader, men slapp straff fordi den eine saka gjaldt bruk av party-dopet kokain.

Men no står Kristoffs arbeidsgjevar overfor eit nytt problem. Katusha er medlem av Bevegelsen for truverdig sykkelsport (MPCC), ein uavhengig organisasjon med eige regelverk.

President Roger Legeay fortel til NRK at MPCC vil reagere knallhardt på saka.

– Det er viktig for oss å vere nådelause. Sykkelsporten har hatt Festina-skandalen, Lance Armstrong-skandalen og fleire andre saker som har skada sporten sitt omdømme, seier Legeay til NRK.

– Nyleg blei det også avdekka juks med elektrisk motor på sykkel under ritt. Det er svært viktig at vi er aggressive i kampen mot bruk av ulovlege midlar. Dette handlar om sykkelsporten si framtid.

– Kokain like alvorleg som EPO og amfetamin

Legeay, som tidlegare var Thor Hushovds manager i Credit Agricole, er frustrert over UCIs konklusjon.

Paolini

DOPINGSAK 1: Under Tour de France i fjor testa Luca Paolini positivt for kokain.

Foto: Junge, Heiko / NTB scanpix
Eduard Vorganov

DOPINGSAK 2: I januar testa Eduard Vorganov positivt for meldonium.

Foto: Tim De Waele / © Tim De Waele/Corbis

– Det internasjonale sykkelforbundet meiner at Luca Paolinis kokainbruk ikkje hadde samanheng med eit ønske om å yte betre på sykkelsetet, men kokain er likevel forbudt å bruke i sykkelsporten, seier Legeay til NRK.

Han meiner det sender dårleg signal til omverda ikkje å straffe Katusha.

– For MPCC er kokain det samme som EPO og amfetamin. Det er forbudt, seier Legeay.

Ifølgje MPCC sitt regelverk må eit lag som får to dopingsaker i løpet av tolv månader ilegge seg sjølv åtte dagar suspensjon frå ritt.

No ventar organisasjonen på Eduard Vorganovs B-prøve. Russaren avla positiv A-prøve for stoffet meldonium i jaunar.

Dersom Vorganovs B-prøve er positiv må Katusha ta straffa umiddelbart.

– Dersom B-prøva kjem før Paris-Nice, vil Paris-Nice vere rittet dei må stå over. Dersom B-prøva kjem før Milano-Sanremo må dei stå over Milano-Sanremo, seier Legeay.

Roger Legeay og Thor Hushovd

TIDLEGARE HUSHOVD-SJEF: Roger Legeay (t.v), her som sportsdirektør for Thor Hushovd i Credit Agricole i 2007.

Foto: Junge, Heiko / SCANPIX

Legeay til Katusha: – Respekter regelverket

Ifølgje Legeay kan Katusha kun sleppe straff dersom dei trekk seg ut av MPCC.

Det vil i så fall vere dobbeltmoralsk av det russiske laget, meiner presidenten.

– Katusha er medlem av MPCC. Dei har sjølv spurt om å få vere ein del av organisasjonen.

– Det er både dårleg og galt om ein først aksepterer regelverket, for så å ikkje følge regelverket når laget får problemer, legg Legeay til.

– Om dei ikkje respekterer regelverket har dei ingen sjølvrespekt, fastslår presidenten.

MPCC-presidenten meiner at Katusha no har sjansen til å vise at dei meiner alvor i kampen mot doping.

Siste nytt

  • WADA får dopingdataene fra Moskva

    WADA melder på sin hjemmeside at de nå har fått tilgang til analyser og data fra det stengte dopinglaboratoriet i Moskva. Dette kan styrke sjansene for at russisk idrett blir tatt inn i varmen igjen og får delta i internasjonale mesterskap i fremtiden.

    Dopinglaboratoriet i Moskva
    Foto: Alexander Zemlianichenko / AP
  • Norendal til finale i verdencupen

    Silje Norendal fikk fjerde beste poengsum i kvalifiseringen og er klar for finale i slopestyle i verdenscupen i sveitsiske Laax. Mennenes semifinale ble utsatt til fredag. Der deltar Ståle Sandbech, Mons Røisland, Markus Olimstad og Stian Kleivdal.

    X Games Oslo 2018: Big Air
    Foto: Fredrik Hagen / NTB scanpix
  • Georgisk brytar fråteken OL-sølv

    Fristilbrytaren Davit Modzmanashvili frå Georgia er tatt i doping, og er dermed fråteken OL-sølvet han vann i London-leikane i 2012. Han vart nummer to i 120-kilosklassen og testa positivt på steroiden turinabol.

    Davit Modzmanashvili
    Foto: Paul Sancya / AP

Sendeplan

Kl. Program Kanal
VM håndball menn: Danmark - Norge