NRK Meny
Normal

Karsten Warholm tok åtte NM-gull på tre dagar

Multitalentet Karsten Warholm, Dimna, tok åtte gull i ungdomsmeisterskapen i friidrett i Steinkjer i helga. – For kvar ny øving har eg fått ny energi, seier ein strålande nøgd gullvinnar.

Karsten Warholm

Allsidig og talentfull: Karsten Warholm, Dimna, er den store profilen på ungdomsmeisterskapen i friidrett i Steinkjerhallen. (Arkivfoto)

Foto: Vestpress

– Målsettinga var å ta flest muleg gullmedaljar. No har eg vunne alt eg har stilt opp i, seier friidrettstalentet frå Ulsteinvik til NRK Møre og Romsdal. Heile åtte gull vart det til slutt.

Her er merittane i helga for gullsteinvikingen, som representerer Dimna IL:

  • Fredag: Gull i tresteg, 60 m hekk og 400 meter.
  • Laurdag: Gull i høgde og 60 m
  • Søndag: Gull på 200, lengdehopp og stafett

Sjølv om Karsten Warholm på førehand hadde bestemt seg for å vinne, gjekk det over alle forventningar.

– Eg er dritnøgd. Betre enn dette kunne det ikkje bli, seier Warholm. Han følte sjølv at han fekk ny energi for kvar øving og dermed kunne gi alt.

Knuser rekordane

– Han er den store forgrunnsfiguren, seier trenar og lagleiar Arve Hatløy til NRK. Karsten Warholm har i helga sett meisterskapsrekordar i nesten alt han har vore med på. Berre på 60 meter og 60 m hekk overlever dei gamle rekordane.

Arve Hatløy

Trenar og lagleiar Arve Hatløy i Dimna IL seier at Karsten Warholm er den store forgrunnsfiguren under UM i friidrett i Steinkjerhallen.

Foto: Øystein Skarsbø / NRK

- Alt tyder på at han får bestemannspremien blant gutane, seier Arve Hatløy. Den får han anten for 400 meter-løpet på 49,73 eller for høgdehoppet på 2,05.

- Og kva er så grunnen til at ein 17-åring kan bli så god?

- Det er nok ein kombinasjon av eit unikt talent og målretta, seriøs trening, seier trenar Arve Hatløy.

Siste nytt

  • Krusjelnitskij dropper CAS-høring

    Alexander Krusjelnitskij møter ikke til CAS-høring i sin dopingsak torsdag. Curlingutøveren mener utfallet er gitt ettersom det foreligger positive prøver. Han spilte på OAR-laget som slo Norge i bronsekampen i mixed double.

    Aleksandr Krusjelnitskij
    Foto: CATHAL MCNAUGHTON / Reuters
  • Høyring curling-dopingsaka torsdag

    Den internasjonale idrettsdomstolen CAS melder i dag at høyringa i dopingsaka mot den rusiske curlingspelaren Aleksandr Krusjelnitsjki tek til i morgon kl 06, norsk tid.

    Han har avgitt positiv dopingprøve. Om han blir dømd, kan OUR miste bronsen i miks-double, som Norge i så fall vi få i staden.

    Aleksandr Krusjelnitskij
    Foto: CATHAL MCNAUGHTON / Reuters
  • Kristoff spurtet til seier

    Ingen kunne gjøre noe med Alexander Kristoff spurtet til seier foran italienske Andrea Guardini på den første etappen av Abu Dhabi Tour

    – En herlig seier for meg og laget. Jeg vil takke lagkameratene mine for hjelpen. Det er en god følelse å åpne rittet med å vinne, sa Kristoff etter etappen.

    Alexander Kristoff
    Foto: PHILIPPE LOPEZ / AFP

Sendeplan

Kl. Program Kanal
OL-magasin
OL-profiler: Johannes Høsflot Klæbo