I tre minutt tenkte ho på å legge opp: – Eg kjende eg ikkje var klar for dette

LEVI/OSLO (NRK): Nina Haver-Løseth skada seg stygt i fjor. I helga er ho tilbake i verdscupen, og for første gong på lang tid er ho nervøs.

Den offisielle VM-genseren 2019 fra Dale Norway lanseres

COMEBACK: Nina-Haver Løseth gjer comeback etter skaden denne helga.

Foto: Tore Meek / NTB scanpix

– Eg tenkte vel på å legge opp i sånn tre minutt. Då eg traff den porten, kjende eg at dette var noko eg ikkje var klar for. Men så synest eg det var litt feigt òg å gi seg på ein sånn måte, seier Nina Haver-Løseth før comebacket i verdscupen.

Det var i slalåmrennet i Semmering i romjula i fjor at ho hekta i ein port og mista balansen. Deretter køyrde ho inn i neste port og fekk eit brot heilt øvst i leggbeinet. Dermed rauk resten av sesongen, inkludert VM i Åre.

Naturleg nok var det ein nedtur, men tanken om å legge opp vart fort lagd bort.

– Eg synest eg fortener å gi meg sjølv ein reell sjanse til å finne ut kor fort eg kan køyre. Det har vore det store målet, å finne ut kor fort eg kan køyre, seier Haver-Løseth.

  • Sjå video av fallet til Haver-Løseth her:

Blir utfordra av lagvenninnene

Då ho skadde seg, hadde ho vore topp ti i begge slalåmrenna så langt i sesongen. Ho var Noregs beste slalåmkøyrar.

Men då esset rauk ut med skade, tok dei andre utøvarane på laget store steg. Mellom anna enda Kristin Lysdahl på tiandeplass i slalåm-verdscupen. No er Haver-Løseth i ein posisjon der ho må halde følgje med lagvenninnene.

– Det kjem naturleg med ein skade at ein blir dytta litt lengre bak. Kristin hadde ein fantastisk sesong. Dei andre jentene òg, og det synest eg er veldig kult. Du merkar at snittet i gruppa har heva seg veldig. Det er ganske artig å komme tilbake og sjå at eg må opp i ringa på trening for ikkje å ligge langt bak, smiler Haver-Løseth.

Vinter-OL. Olympiske leker i Pyeongchang 2018. Vinter-OL. Olympiske leker i Pyeongchang 2018. Medaljeseremoni.

OL-MEDALJE: Nina Haver-Løseth (t.v.) og Kristin Lysdahl var på det norske laget som tok bronsemedalje i lagkonkurransen parallellslalåm under OL i 2018.

Foto: Lise Åserud / NTB scanpix

Då sesongen byrja i fjor var Lysdahl rangert som nummer 109 i verda.

– Det er veldig bra at vi får den matchinga på trening. Nina var den som brøyta vegen, sånn at eg såg kvar eg skulle gå. Eg føler eg har lært veldig mykje av Nina opp gjennom åra. Det å trene med henne og pushe kvarandre, er veldig bra.

– Kva er det viktigaste du har lært av henne?

– Ho er så utruleg presis. Ho køyrer så reint og bra, og er på frå første port. Ho køyrer utruleg bra på ski, seier Lysdahl.

– Har ikkje vore så nervøs dei siste åra

For Haver-Løseth er det spesielt å ikkje lenger å vere best på laget. Men mest av alt på ein positiv måte, trur ho sjølv.

– Eg trur det har vore perfekt med tanke på alt eg har jobba med. Det med å pushe grenser og køyre fortare for kvar runde. I tillegg så har eg ein gjeng med yngre jenter som eg må prøve å halde følgje med.

No er ho revansjesugen og meir nervøs før renn enn på lenge.

– Eg kjenner det er ei blanding av at eg er spent og litt nervøs. Men nervøsiteten er òg noko eg klarer å ta litt positivt no, for eg har ikkje vore så nervøs dei siste åra. Det er litt sånn at eg prøver å ta det som eit godt teikn. Eg veit at eg er der eg skal vere, seier ho.

  • Verdscupen i slalåm ser du på NRK 1 laurdag frå klokka 10.10.

Siste nytt

  • Liverpool mot Monterrey

    Meksikanske Monterrey blir Liverpools semifinale-mostandar i klubb-VM i Qatar. I kvartfinalen i dag slo dei heimelaget Al-Sadd 3-2.

    I den andre semifinale skal søramerikanske Flamengo møte Al Hilal frå Saudi-Arabia. Al Hilal slo tunisiske Esperance 1-0 i kvartfinalen.

    Liverpool og Flamengo hadde walkover fram til semifinalen.

    Flamengo - Al Hilal går 17. desember, Liverpool - Monterrey dagen etter. Finalen går 21. desember.

    Monterrey feirer semi
    Foto: Ibraheem Al Omari / Reuters
  • Moe Wold skal til Spania

    LSK-kaptein Ingrid Moe Wold forlater klubben hun har spilt for i ti år til fordel for en spansk klubb. Hvilken spansk klubb det skal være snakk om ønsker hun ikke å kommentere ennå. – Jeg håper at jeg kan utvikle meg på det, sier hun til LSK.

    Toppserien 2018
    Foto: Tore Meek / NTB scanpix
  • Leicester tapte viktige poeng

    Leicester fikk det ikke helt til å stemme i dagens kamp mot Norwich. Med uavgjort 1-1 tok den åtte kamper lange seiersrekken slutt her. Det betyr også at Liverpool nå har fått en ledelse på 10 poeng til «The Foxes». Også Chelsea misset viktige poeng i dagens kamp mot Bournemouth. Joshua Kings lag vant 1-0 på bortebane etter en VAR-avgjørelse. Dermed ligger Chelsea på en foreløpig fjerdeplass på tabellen i den engelske serien, 20 poeng bak serieleder Liverpool som forlenget sin rekke uten tap ytteligere med 2-0 over Watford. De røde er nå ubeseiret i 34 ligakamper.

    Premier League - Leicester City v Norwich City
    Foto: Andrew Boyers / Reuters

Sendeplan

Kl. Program Kanal